मूर्तिजापूर - तालुक्यांतील एका २४ वर्षीय युवतीस लग्नाचे आमिष दाखवून तिच्याशी शारीरिक संबंध स्थापित करून तिच्यावर अतिप्रसंग केल्याची घटना गत फेब्रुवारीत घडल्याची फिर्याद बुधवारी (ता. ४) ग्रामीण पोलिस ठाण्यात देण्यात आली. फिर्यादीच्या फिर्यादीवरून आपोरीविरुद्ध गुन्हा दाखल करण्यात आला. मिळालेल्या माहितीनुसार तालुक्यातील पारद येथील योगेश दिलीप इंगळे (वय २७) हा एका २४ वर्षीय युवतीस लग्नाचे आमिष दाखवून तिच्यासोबत अनेक वेळा शारीरिक संबंध स्थापित केले.

यादरम्यान पीडितीने मुलाकडे लग्नाचा तगादा लावला असता, लग्न न करता उलट ता. २४ एप्रिल रोजी दुसऱ्याच मुलीशी लग्न करून पीडितेवर अन्याय केला. त्यामुळे योगेश दिलीप इंगळे (वय २७ रा. पारद) याच्याविरुद्ध ग्रामीण पोलिस ठाण्यात विविध कलमानुसार गुन्हा दाखल करण्यात आला. पुढील तपास ठाणेदार गोविंद पांडव याच्या मार्गदर्शनाखाली पोलिस उपनिरीक्षक भिलावेकर करत आहेत.