Petrol-Diesel Prices Today 2 April 2022 : देशात पेट्रोल आणि डिझेलच्या वाढत्या किमतींमुळं (Petrol Diesel Hike Today) लोक हैराण झालेत. वाहनांच्या इंधनावरील महागाईचा परिणाम कमी होण्याचं नाव घेत नाहीय. भारतीय तेल विपणन कंपन्यांनी (Indian Oil Marketing Companies) 1 एप्रिल रोजी केवळ एका दिवसाच्या दिलासानंतर आज (शनिवार) 2 एप्रिल रोजी पेट्रोल आणि डिझेल या दोन्ही इंधनाच्या किमतीत प्रति लिटर 80-80 पैशांनी वाढ केलीय.

भारतीय पेट्रोलियम विपणन कंपनी इंडियन ऑइल कॉर्पोरेशनच्या (IOCL) ताज्या अपडेटनुसार, राष्ट्रीय राजधानी दिल्लीत (Delhi) एक लिटर पेट्रोलची किंमत 102.61 वर गेलीय. त्याचवेळी डिझेलचा दर 93.87 रुपये प्रति लिटरवर पोहोचलाय. 31 मार्च रोजी पेट्रोल आणि डिझेलच्या दरात 80-80 पैशांची वाढ झाली होती. दरम्यान, 12 दिवसांत पेट्रोल आणि डिझेलच्या किमती 10 वेळा वाढल्या आहेत.

देशातील चार महानगरांची तुलना केल्यास मुंबईत (Mumbai) पेट्रोल आणि डिझेल सर्वात महाग आहे.

दिल्ली

पेट्रोल - 102.61 रुपये प्रति लिटर

डिझेल - 93.87 रुपये प्रति लिटर

मुंबई

पेट्रोल - 117.57 रुपये प्रति लिटर

डिझेल - 101.79 रुपये प्रति लिटर

कोलकाता

पेट्रोल - 112.19 रुपये प्रति लिटर

डिझेल - 97.02 रुपये प्रति लिटर

22 मार्चपासून पेट्रोल आणि डिझेलच्या किंमती वाढण्यास सुरुवात झाली, तेव्हापासून आत्तापर्यंत 24 मार्च आणि 1 एप्रिल असे एकूण दोन दिवस वगळता दर दिवसेंदिवस वाढत आहेत. 2 एप्रिलच्या वाढीसह एकूण 10 दिवसांत पेट्रोल 7 रुपये 20 पैशांनी महागलं आहे. 22 मार्च ते 2 एप्रिलपर्यंत म्हणजेच, एकूण 12 दिवसांत पेट्रोल आणि डिझेलच्या किमती 10 वेळा वाढल्या आहेत.

कोणत्या दिवशी किती किंमत वाढली?

22 मार्च - 80 पैसे

23 मार्च - 80 पैसे

मार्च 25- 80 पैसे

26 मार्च - 80 पैसे

27 मार्च - 50 पैसे

मार्च 28 - 30 पैसे

मार्च 29- 80 पैसे

मार्च 30- 80 पैसे

मार्च 31- 80 पैसे

2 एप्रिल - 80 पैसे