मेरी बफे व डेव्हिड क्लर्क यांचे ‘बफेटॉलॉजी’ हे पुस्तक प्रसिद्ध झाले, तेव्हा अमेरिकेतील शेअर बाजारात ‘बुल रन’ चालू होता. नंतर चारच वर्षांत ‘डॉट कॉम’ कंपन्यांचा बुडबुडा फुटला व अनेक गुंतवणूकदारांचे खूप नुकसान झाले. गुंतवणूकदार संभ्रमित झाले असतानाच २००२ मध्ये त्याच लेखकांचे ‘द न्यू बफेटॉलॉजी’ हे पुस्तक प्रकाशित झाले. या पुस्तकात त्यांनी कमीत कमी जोखीम पत्करून चांगला परतावा कमाविण्याचे वॉरन बफे यांचे तंत्र अधिक  सुस्पष्ट केले. 

ताज्या बातम्यांसाठी डाऊनलोड करा ई-सकाळचे ऍप

वॉरन बफे यांची गुंतवणुकीसाठी कंपनी निवडतानाची ‘चेकलिस्ट’  अशी :
कंपनी भागधारकांच्या भांडवलावर सातत्याने १२ टक्क्यांपेक्षा अधिक परतावा मिळवते का?
कंपनी एकूण भांडवलावर (दीर्घ मुदतीची कर्जे धरून) सातत्याने १२ टक्‍क्‍यांपेक्षा अधिक परतावा मिळवते का?
कंपनीचे ‘अर्निंग पर शेअर’ चांगले व वाढते आहेत का?
कंपनीची दीर्घ मुदतीची कर्जे ही सध्याच्या नफ्यापेक्षा पाच पटीच्या आत आहेत का?
कंपनीचा ब्रँड प्रसिद्ध अथवा सेवा अपर्यायी आहेत का?
कंपनीतील कामगार संघटित आहेत का?
कंपनीचे नफ्याचे मार्जिन सातत्याने चांगले आहे का?
कंपनीला सतत भांडवली खर्च करावाच लागतो का?
कंपनी सातत्याने ‘बायबॅक’ म्हणजेच स्वतःचे शेअर स्वतः खरेदी करीत असते का?
कंपनी जो नफा आपल्याच व्यवसायात गुंतवत आहे, त्यामुळे कंपनीच्या शेअरचा भाव वाढतो आहे का?
वरील गोष्टी तपासून पाहण्यासाठी वॉरन बफे प्रत्येक कंपनीच्या गेल्या दहा वर्षांच्या ‘फिनान्शियल स्टेटमेंट’चा अभ्यास करतात व पुढील दहा वर्षांनी शेअरचा भाव काय असेल, याचा 
अंदाज बांधतात.
हे उत्कृष्ट पुस्तक प्रत्येक गुंतवणूकदाराने अभ्यासावे असेच आहे.

सक्सेस स्टोरी : व्यवसायाच्या प्रगतीचा ‘चुंबक’