ऍक्सिस बँकेच्या (Axis Bank) शेअर्सने मागच्या 4 महिन्यांत गुंतवणूकदारांना तब्बल 49 टक्के परतावा दिला आहे. तरीही त्याचे शेअर्स सध्या तीन टक्क्यांच्या सवलतीत आहेत. त्यामुळेच आता या शेअर्समध्ये गुंतवणुकीची चांगली संधी असल्याचे बाजारातील तज्ज्ञ सांगत आहेत.

ऍक्सिसचे बँकेचे शेअर्स 1195 रुपयांपर्यंत पोहोचू शकतात, जे सध्याच्या किंमतीपेक्षा सुमारे 35 टक्के जास्त आहे. शुक्रवारी ऍक्सिस बँकेचा शेअर 887.65 रुपयांवर बंद झाले. त्याची मार्केट कॅप 2,72,816.90 कोटी रुपये आहे.

गेल्या तीन वर्षांत, ऍक्सिस बँकेने तंत्रज्ञानामध्ये मोठी गुंतवणूक केली आहे आणि तिच्या पोर्टफोलिओमध्ये विविधता आणली आहे. त्याचा सकारात्मक परिणाम मार्जिनवर दिसून येत आहे. ऍक्सिस बँकेची ही गुंतवणूक यापुढेही सुरू राहू शकते, शिवाय कंपनी नफा वाढवण्यावरही भर देत आहे. बँकेची ऍसेट क्वालिटी सुधारत आहे.

या सर्व बाबींचा विचार करून, देशांतर्गत ब्रोकरेज फर्म एचडीएफसी सिक्युरिटीजने ऍक्सिस बँकेला 1,195 रुपयांच्या टारगेटसह बाय रेटिंग दिले आहे. तर आयसीआयसीआय सिक्युरिटीजने 1130 रुपयांटे टारगेट निश्चित केलेआहे.

ऍक्सिस बँकेचा स्‍टँडअलोन प्रॉफीट सप्टेंबरच्या तिमाहीत 70 टक्क्यांनी वाढून 5,329.77 कोटी रुपयांवर पोहोचले.  त्याचे उत्पन्न देखील वार्षिक आधारावर 20,134 कोटी रुपयांवरून 24,180 कोटी रुपयांपर्यंत वाढले आहे. व्याज उत्पन्न 24% ने वाढून 20,239 कोटी झाले आणि एनपीए 2.50% झाला आहे.

23 जून 2022 रोजी ऍक्सिस बँकेच्या शेअर्सची किंमत 618.10 रुपये होती, जी एका वर्षातील विक्रमी नीचांकी आहे. मात्र, त्यानंतर शेअर्सची खरेदी वाढली आणि चार महिन्यांत 27 ऑक्टोबरला त्याची किंमत 919.95 रुपयांवर पोहोचली. हा 52 आठवड्यांचा विक्रमी उच्चांक आहे. पण तरी सध्या हे शेअर्स 3.5 टक्क्यांच्या सवलतीवर मिळत आहेत

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.