वर्षभरापासून कोरोना महामारीनं देशाच्या आर्थिक आणि सामाजिकतेवर थेट परिणाम केला आहे. वर्ष उलटलं तरिही कोरोनाच्या प्रभावामुळे देशाची अर्थव्यवस्था बिकटच आहे. अशात आता अर्थव्यवस्थेला चालना देण्यासाठी बऱ्याच बँका, व्याज दरांमध्ये कपात करत आहेत. सरकारकडूनही त्ंयाच्यासाठी उपाययोजना केल्या जात आहेत. भारतातील सार्वजनिक क्षेत्रातील आघाडीची बँक असलेल्या बँक ऑफ बडोदानेही कोरोना काळात आपल्या ग्राहकांना आनंदाची बातमी दिली आहे. बँक ऑफ बडोद्यानं आपल्या रेपो लिंक्ड लेन्डिंग रेट (आरएलएलआर) १० बेसिस पॉईंट म्हणजेच 0.10 टक्क्यांनी कमी केले आहेत. सोमवारी बँक ऑफ बडोद्यानं ही घोषणा केली आहे.
बँक ऑफ बडोद्यानं १५ मार्च, सोमवारी रेपो लिंक्ड लेन्डिंग रेटमध्ये कपात केल्याची घोषणा केली. बँकेच्या या घोषणेनंतर आरएलएलआर ६.८५ वरुन ६.७५ टक्क्यांपर्यंत घसरला आहे. बँकेच्या या निर्णयामुळे ग्राहकांना गृहकर्ज, वाहन कर्ज, शैक्षणिक, कार लोन किंवा वैयक्तिक कर्ज घेणार्या ग्राहकांना फायदा होणार आहे.
बँक ऑफ बडोद्यानं जारी केलेल्या माहितीनुसार, आरएलएलआर कपात केल्यानंतर गृह कर्जावरील व्याज ६.७५ टक्के आणि वाहन कर्जावर ७ टक्क्यांपर्यंत कमी होईल. त्याचबरोबर दुसर्या तारण कर्जावर ७.९५ टक्के आणि शिक्षण कर्जावर ६.७५ टक्के कर आकारला जाईल. बँक ऑफ बडोद्याचे महाप्रबंधक हर्षद कुमार सोळंकी म्हणाले की, ''रेपो दरांवरील व्याजदरात कपात केल्यामुळे आमचं कर्ज ग्राहकांसाठी आणखी स्वस्त झालं आहे. आम्हाला आशा आहे की, डिजिटल प्रक्रियेतही आम्ही अनेक बदल करण्याची तयारी सुरु केली आहे. आशा आहे की, या बदलामुळे ग्राहकांची वेगानं कामं होतील. ''
हेही वाचा :
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.