मुंबई - बँक ऑफ बडोदाने आपल्या गृहकर्जावरील व्याजदर मर्यादित काळासाठी साडेसहा टक्के एवढे घटविले आहेत. त्याचबरोबर त्यावरील प्रक्रिया शुल्कही (प्रोसेसिंग फी) रद्द केली आहे. हा सवलतीचा व्याजदर यावर्षी ३० जून पर्यंत लागू राहील. नव्याने कर्ज काढणाऱ्यांसाठी किंवा इतर वित्तसंस्थांकडील आपले गृहकर्ज बँक ऑफ बडोदामध्ये नेणाऱ्यांना हा दर लागू राहील. कर्जाची रक्कम कितीही असली तरी हे नवे दर लागू होतील. सध्या त्यांचे गृहकर्जावरील व्याजदर ६.७५ टक्के एवढे आहे. मात्र दर घटवल्याने त्यांचे दर इतर कमी व्याजदर असलेल्या बँकांच्या आसपास आले आहेत. मात्र ते कर्ज घेणाऱ्याच्या क्रेडिट रेटिंगवर अवलंबून असतील, असे बँकेचे महाव्यवस्थापक एच. टी. सोळंकी यांनी सांगितले. कर्जासाठी बँकेच्या शाखांमध्ये किंवा https://www.bankofbaroda.in/ या वेबसाईटला भेट द्यावी