सार्वजनिक क्षेत्रातील बँक ऑफ इंडिया (Bank of India) आपल्या ग्राहकांना एक उत्तम संधी देत आहे. ज्या ग्राहकांचे कर्ज (Loan) NPA झाले आहे, ते BOI वन टाइम सेटलमेंट स्कीमद्वारे कर्जाच्या रकमेची परतफेड करुन खाते बंद करू शकतात. जर तुमचे लोन अकाऊंट एनपीएमध्ये गेले असेल तर आज ही संधी घालवू नका. आजच्या आज बँकेच्या शाखेत जाऊन सेटलमेंट करा आणि कर्जापासून मुक्ती मिळवा.

योजनेंतर्गत सवलत

बँके ऑफ बडोदाने ट्विटरवरही याबाबत माहिती दिली आहे. असे ग्राहक त्यांच्या बँक ऑफ इंडियाच्या शाखेत (बेस शाखा) जाऊन त्यांच्या एनपीए खात्याच्या सेटलमेंटच्या वन-टाइम सेटलमेंट योजनेंतर्गत सूटचा लाभ घेऊ शकतात. NPA ग्राहक 5 फेब्रुवारी 2022 रोजी त्यांचे NPA खाते सेटल आणि बंद करू शकतात.

एनपीए म्हणजे काय ?

अनेकदा तुम्ही कर्ज घेता पण ते फेडू शकत नाही. तुम्ही बँकेकडून कर्ज घेता तेव्हा बँकेचे कर्ज वेळेवर फेडण्याची जबाबदारी तुमची असते. अनेकदा हफ्ते बाऊंस होतात आणि मग तुम्ही बँकेच्या नॉन परफॉर्मिंग अॅसेट्समध्ये जाता अर्थात एनपीएमध्ये तुमचे लोन अकाऊंट जाते. जेव्हाही तुमचे खाते एनपीएमध्ये जाते, तुम्हाला दुसऱ्या कोणत्याही बँकेतून लोन मिळत नाही.

चांगली सूट

वन टाइम सेटलमेंट (OTS) योजनेअंतर्गत, तुम्ही चांगल्या सवलतींसह कर्जाची परतफेड करू शकता. बँक ऑफ इंडियाने एनपीए ग्राहकांसाठी शाखा न्यायालय स्थापन केले आहे. बँक ऑफ इंडिया कर्ज डिफॉल्टरच्या प्रॉपर्टीचा लिलाव करते. यातून थकित कर्ज वसूल केले जाते. त्यामुळे वन टाइम सेटलमेंट (OTS) योजनेचा फायदा घ्या आणि तुमचे थकीत कर्ज संपवून एनपीए खाते बंद करुन टाका.