आर्थिक स्वातंत्र्य म्हणजे, तुम्ही पैशासाठी काम करायचे थांबविता आणि पैसा तुमच्यासाठी काम करू लागतो. हे स्वप्न बघणारे अनेक जण असले, तरी ते लवकरात लवकर प्रत्यक्षात आणणारे फारच थोडे! ‘टेन कमांडमेंटस फॉर फिनान्शियल फ्रीडम’ हे मेहराब इराणी यांचे पुस्तक आर्थिक नियोजनाद्वारे तुमचे आर्थिक स्वातंत्र्य मिळविण्याचे स्वप्न ‘ऑटो पायलट’ मोडवर कसे टाकायचे, ते १० मार्गदर्शक सूचनांद्वारे शिकविते. मेहराब इराणी हे टाटा इन्व्हेस्टमेंट कॉर्पोरेशनचे जनरल मॅनेजर (इन्व्हेस्टमेंट) असून, त्यांना या क्षेत्रातील मोठा अनुभव आहे. 

देशभरातील इतर बातम्या वाचण्यासाठी येथे क्लिक करा

या पुस्तकातील काही ठळक मुद्दे असे -
१. तुमच्या पोर्टफोलिओच्या परताव्यापैकी ९० टक्के परतावा ‘ॲसेट ॲलोकेशन’वर अवलंबून असतो.

२. ‘अर्न इन्कम’ व ‘पॅसिव्ह इन्कम’ म्हणजे काय ते समजून घ्या व आपल्या कमाईला महागाई, कर, व्याजदर आदींपासून वाचवा.

३. आपले ‘बजेट’ बनवा व त्यातून ‘सरप्लस’ निर्माण करा.

४. आर्थिक स्वातंत्र्याच्या मार्गावर टाळायच्या १३ चुका.

५. आपली संपत्ती वाढविण्यासाठी कर्जाचा वापर कसा करून घ्यावा, चांगले कर्ज व वाईट कर्ज यांतील फरक.

६. घर हे ‘ॲसेट’ आहे, की ‘लायबिलिटी’?

७. पैसा मिळवायचे, टिकवायचे आणि गुंतवणुकीद्वारे वाढविण्याचे १३ नियम.

८. समाजातून कमावलेली संपत्ती समाजाला परत करण्याचे महत्त्व.

आर्थिक नियोजनाद्वारे ‘आर्थिक निर्वाण’ कसे मिळवायचे हे समजावून सांगणारे हे पुस्तक निश्चितच मननीय आहे.

जगभरातील इतर बातम्या वाचण्यासाठी येथे क्लिक करा