अर्थसंकल्प 2019: नवी दिल्ली: केंद्रीय अर्थसंकल्पात अर्थमंत्री निर्मला सीतारामन यांनी निर्गुंतवणुकीचे लक्ष्य वाढवून 1,05,000 कोटी रुपये केले आहे. गेल्यावर्षीच्या तुलनेत त्यात 16 टक्क्यांची वाढ करण्यात आली आहे. मार्चच्या अखेरीस केंद्राने 2018-19 आर्थिक वर्षासाठी निर्गुंतवणुकीचे लक्ष्य 80,000 कोटी रुपये ठेवले होते. मात्र सरकारने निर्गुंतवणुकीचे लक्ष्य ओलांडत 85,000 कोटी रुपये मिळविले आहे. 

सरकार आता सार्वजनिक क्षेत्रातील कंपन्यांमधील हिस्सेदारी कमी करणार आहे. भांडवली बाजारासाठी सरलेले वर्ष अत्यंत अनिश्चित आणि चढ-उताराचे राहिले अशा स्थितीत सार्वजनिक क्षेत्रातील कंपन्यांच्या हिस्सा विक्रीतून अर्थात निर्गुंतवणुकीतून केंद्र सरकारने  85,000 कोटी रुपये मिळविले आहे.