मुंबई : कोरोना महामारीपूर्वी (corona pandemic) पेट्रोल आणि डिझेल दरात (petrol and diesel rates) सुमारे 10 रुपयांपेक्षा जास्त दराची तफावत होती. मात्र, आता गेल्या दोन वर्षांपासून सातत्याने सुरू असलेल्या इंधनाच्या दरांमुळे आता पेट्रोल पेक्षाही डिझेल दरात वाढ होऊन उच्चांक (diesel rates increases) गाठला आहे. त्यामुळे डिझेलवर चालणाऱ्या शेती यंत्रांवर याचा परिणाम होणार आहे.

इंधनाच्या दरात सध्या कमालीची चढ-उतार होत आहे. दोन दिवस दर स्थिर राहूनही त्यानंतर झपाट्याने वाढ होत आहे. देशभरातील इंधनाच्या दरात ही वाढ होत आहे. मुंबईत कधी नव्हे एवढे लक्षवेधी इंधन दराची नोंद सध्या होत आहे. बुधवार पासून पुन्हा दरात वाढ व्हायला सुरुवात झाल्यानंतर शुक्रवारी पुन्हा तिसऱ्याही दिवशी इंधनाच्या दरात वाढ झाली असून गेल्या तीन दिवसातच पेट्रोल 1.1 तर डिझेल 1.11 रूपयाने वाढले आहे. त्यामुळे मुंबईसह राज्यभरात पेट्रोलपेक्षाही डिझेलच्या दरात वाढ झाल्याने डिझेल वाहन खरेदीवरही परिणाम झाला आहे.