आज भारतीय रिझर्व्ह बँकेच्या पतधोरणाच्या दिवशी शेअर बाजार तेजीत सुरु झाला आहे. आज बाजारातील जागतिक संकेत संमिश्र आहेत. मात्र भारतीय शेअर बाजाराचा वेग वाढलेला दिसत असला तरी आशियाई बाजारातून तुलनेत कमी पाठिंबा मिळाला आहे.

आज बाजाराची सुरुवात हिरव्या रंगात झाली आहे. यात BSE सेन्सेक्स 122.24 अंकांच्या किंवा 0.21 टक्क्यांच्या वाढीसह 58,421.04 वर व्यवहार करत आहे. NSE चा निफ्टी 41.65 अंकांनी किंवा 0.24 टक्क्यांनी वाढून 17,423.65 वर उघडला आहे. मार्केट सुरु होण्याआधी निफ्टी 17400 च्या वर राहिला असून त्याच्या 50 पैकी 33 समभाग जलद व्यवहार करताना दिसत आहेत. याशिवाय उर्वरित 17 समभागांमध्ये घसरणीचे लाल चिन्ह दिसत आहे. सध्या बँक निफ्टी 108 अंकांच्या म्हणजेच 0.29 टक्क्यांच्या उसळीसह 37, 863 च्या पातळीवर व्यवसाय करताना दिसत आहे.

वाहन आणि तेल आणि वायू क्षेत्र घसरणीच्या लाल चिन्हात दिसत आहे. परंतु उर्वरित क्षेत्रांमध्ये चांगली वाढ आहे. वित्तीय सेवा क्षेत्रात 0.51 टक्क्यांनी वाढ झाली असून FMCG 0.48 टक्के आणि मीडिया स्टॉक्स 0.44 टक्के वाढले आहेत.

आज, सेन्सेक्सच्या 30 समभागांपैकी 24 समभागांमध्ये उसळी दिसून येत आहे आणि उर्वरित 6 समभाग घसरणीच्या रेड झोनमध्ये दिसत आहेत. अल्ट्राटेक सिमेंट, भारती एअरटेल, एल अँड टी, एसबीआय, विप्रो, एचयूएल, डॉ रेड्डीज लॅबोरेटरीज, आयसीआयसीआय बँक, टायटन, टाटा स्टील, एशियन पेंट्स, इन्फोसिस आणि एम अँड एम हेही आघाडीवर आहेत.