देशांतर्गत शेअर बाजारात (Share Market) सोमवारी पुन्हा घसरण पाहायला मिळत आहे. दोन्ही बेंचमार्क निर्देशांक घसरणीसह आठवड्याची सुरुवात झाली आहे. सुरुवातीच्या व्यवहारात बीएसई सेन्सेक्स 1400 अंकांपर्यंत घसरला आणि 57,000 च्या खाली आला. त्याचवेळी निफ्टीही 17 हजारांच्या खाली घसरला. देशांतर्गत शेअर बाजारात आज दोन टक्क्यांची घसरण झाली. (Big Fall in Share Market)

आज दलाल स्ट्रीटवरील सर्व क्षेत्रीय निर्देशांक लाल रंगात चालू होते. सर्वात मोठी घसरण बँकिंग आणि वित्तीय समभागांमध्ये नोंदवली जात होती. रशिया-युक्रेन तणावाचा परिणाम जागतिक बाजारांवरही दिसून येत आहे. जपानचा निक्केई निर्देशांकही 2 टक्क्यांनी घसरला, कच्च्या तेलाच्या बाजारातही तेजी आली. ब्रेंट क्रूड ऑइल 1 टक्क्यांनी वाढून 95 डॉलर प्रति बॅरल झाले.

मागील काही दिवसांपासून सातत्याने अस्थिर असलेल्या शेअर बाजारातील (Share Market) सोमवारच्या व्यवहारावर ABG शिपयार्ड घोटाळ्याचे सावट आहे. ABG शिपयार्डने 28 बँकांना 22,842 कोटी रुपयांचा चुना लावल्याचे समोर आलं आहे. या घोटाळ्याचा परिणाम शेअर बाजारावर होणार असल्याची शक्यता दिसून येतीय.