तुम्ही कर्मचारी राज्य विमा महामंडळाशी (Employees State Insurance Corporation - ESIC) संबंधित असाल तर ही बातमी तुमच्यासाठी आहे. वास्तविक, कर्मचारी राज्य विमा महामंडळाद्वारे विमाधारकांना (Insured) अनेक प्रकारच्या सुविधा पुरवल्या जातात. 'ईएसआयसी'ने दिलेल्या माहितीनुसार, दीर्घकालीन आजारांनी ग्रस्त असलेल्या विमाधारकाला 2 वर्षांसाठी पैसे दिले जातात. अशा विमाधारकांना ESIC त्यांच्या दैनंदिन उत्पन्नाच्या 80 टक्के दराने रोख लाभ देते.

या व्यतिरिक्त, ESIC त्यांच्या विमाधारक व्यक्तींना वैद्यकीय लाभ देखील प्रदान करते ज्यांना नोकरी दरम्यान दुखापतीमुळे कायमचे अपंगत्व (Disability) आले आहे. इतकेच नाही, तर ईएसआयसी त्यांच्या सेवानिवृत्त विमाधारकांना वैद्यकीय लाभ देखील प्रदान करते. अधिक माहितीसाठी http://esic.nic.in ला भेट द्या.

नुकतेच, प्रायोगिक तत्त्वावर कर्मचारी राज्य विमा महामंडळाच्या 40 वर्षे व त्यावरील विमाधारक सदस्यांसाठी वार्षिक 'सावधगिरी आरोग्य तपासणी कार्यक्रम' सुरू करण्यात आला आहे. हा उपक्रम सध्या अहमदाबाद (Ahmedabad), फरिदाबाद (Faridabad), हैदराबाद (Hyderabad) आणि कोलकाता (Kolkata) येथील ESI हॉस्पिटलमध्ये उपलब्ध आहे.