कच्च्या तेलांचे दर वाढल्यानं इंधन तेलांचे दर वाढत आहेत. गेल्या आठ दिवसात पेट्रोल डिझेलच्या दरात पाच वेळा वाढ झाली आहे. आज पुन्हा इंधन तेलाचे दर वाढले आहेत. दिल्लीत पेट्रोलच्या दरात २० पैशांची वाढ झाली असून डिझेलच्या किंमतीत प्रति लीटर ३५ पैशांनी वाढ झाली. गेल्या चार दिवासात दिल्लीत पेट्रोलचा दर १.१० रुपयांनी वाढला. ऑक्टोबर महिन्याच्या पहिल्या आठ दिवसातच पेट्रोलच्या दरात दीड रुपयापेक्षा जास्त वाढ झाल्याचं दिसत आहे.

कच्च्या तेलाच्या किंमती तीन वर्षांत सर्वाधिक आहे. मात्र, ब्रेंट क्रूडचा दर १.०७ टक्के कमी होऊन तो ८०.२१ डॉलर प्रति बॅरेल इतका झाला आहे. दिल्लीत आज पेट्रोलचे दर १०३. ५४ रुपये प्रति लिटर तर डिझेलचे दर ९२.१२ रुपये प्रति लीटर इतके आहेत. मुंबईत पेट्रोल १०९.५४ रुपये प्रति लिटर इतक्या दराने विक्री सुरु असून डिझेल शंभरी गाठण्याची शक्यता आहे. सध्या डिझेल ९९.९२ रुपये प्रति लिटर दराने विकले जात आहे.

कोलकाता: पेट्रोल – 104.23 रुपये प्रति लिटर; डिझेल – 95.23 रुपये प्रति लिटर

चेन्नई : पेट्रोल –101.01 रुपये प्रति लिटर; डिझेल – 96.60 रुपये प्रति लिटर

बेंगळुरु : पेट्रोल – 107.04 रुपये प्रति लिटर ; डिझेल – 97.77 रुपये प्रति लिटर

भोपाळ : पेट्रोल – 112.07 प्रति लिटर; डिझेल – 101.17 रुपये प्रति लिटर

पाटना: पेट्रोल – 106.59 प्रति लिटर; डिझेल – 98.65 रुपये प्रति लिटर