सॉफ्टवेअर फर्म फ्रेशवर्क्स इंक या कंपनीने बुधवारी अमेरिकेतील स्टॉक एक्सचेंजमध्ये डंका वाजवला आहे. नेसडॅक लिस्टिंगमध्ये स्वत:ची जागा बनवणारी ही भारतीयाची पहिली कंपनी आहे. या कंपनीतील 50 कर्मचारी कोट्यधीश आहेत. यातील 69 जणांचं वय 30 पेक्षाही कमी आहे. गिरीश मातृभूतम यांच्या कंपनीने नेसडॅकच्या इंडेक्सवर इश्यू प्रईजच्या 21 टक्के प्रीमियमवर एन्ट्री केली आहे. त्यामुळे आता कंपनीचे बाजारातील भांडवल 12 अब्ज डॉलर्सच्या वर गेलं आहे.

गिरीश मातृभूतम यांच्या कंपनीत कर्मचाऱयांना पगार नाहीत, कंपनीच्या नफ्याचा वाटा मिळतो. दोन तृतीयांश कर्मचारी कंपनीमध्ये भागधारक आहेत. नेसडॅक लिस्टिंगनंतर मातृभूतम यांच्या नावाची चर्चा वाढली. स्वत:ला बीएमडब्ल्यू घेण्यासाठी नाही, तर कर्मचाऱ्यांनी बीएमडब्ल्यू घ्यावी, या संकल्पनेतून कंपनी सुरू केल्याचं त्यांनी सांगितलं.

गिरीश यांचे वडील बँकेत काम करत होते. मी स्वतः एका सॉफ्टवेअर कंपनीत काम केले आहे. म्हणूनच सामान्य कर्मचाऱ्याची स्वप्ने मला चांगली समजतात,असे ते म्हणाले. स्वप्न पाहणे ही यशाची पहिली पायरी आहे. कंपनीच्या यशाचे श्रेय आपल्या सर्व कर्मचाऱ्यांना देताना ते म्हणाले, कर्मचाऱ्यांच्या योगदानाबद्दल मी त्यांचा आभारी आहे.