नवी दिल्ली: यूएस फेडरल रिझर्वने (US Federal Reserve) व्याज दर न बदलण्याचा निर्णय घेतला आहे. आता त्याचा परिणाम शेअर बाजारासोबत सोन्याच्या किंमतीवर होत आहे. याचाच एक भाग म्हणजे परदेशी बाजारात सोन्याच्या दरात घट दिसून आली आहे. सोन्याच्या किंमतीत आजही मोठ्या प्रमाणात चढउतार दिसू शकतात.
बुधवारी स्पॉट मार्केटमध्ये (Spot market) सोन्या-चांदीच्या किंमती खाली आल्या होत्या. मंगळवारी सोन्या-चांदीच्या भावात (Gold Price) चांगलीच तेजी दिसून आली होती. मंगळवारी झालेल्या वाढीमुळे सोन्याचा भाव आज 53 हजार प्रति 10 ग्रॅम आणि चांदी प्रतिकिलो 70 हजारांच्या जवळपास राहिली होती. एचडीएफसी सिक्युरिटीजने दिलेल्या माहितीनुसार, दिल्ली सराफा बाजारात बुधवारी सोन्याची किंमत 137 रुपयांनी घसरून 53,030 रुपये प्रति 10 ग्रॅम झाली होती आणि मंगळवारी सोन्याचे भाव प्रति 10 ग्रॅम 53,167 रुपयांवर बंद झाले होते.
चांदीचे नवीन दर (14 सप्टेंबर 2020 रोजी चांदीची किंमत) - चांदीही 517 रुपयांनी घसरून 70,553 रुपये प्रतिकिलोवर आली होती. मंगळवारी चांदीचा दर प्रति किलो 71,070 रुपये होता. आंतरराष्ट्रीय बाजारात मात्र सोन्याचा भाव प्रति औंस 1,967.7 डॉलरवर होता. तर चांदीचा भाव औंस 27.40 डॉलर होता.
दुसरीकडे, वायदा बाजारात सोन्या-चांदीच्या किंमती वाढल्याच्या दिसून आल्या आहेत. परदेशी बाजारात झालेल्या बदलांमुळे बुधवारी वायदा व्यापारात सोन्या-चांदीच्या किंमतींमध्ये वाढ दिसून आली होती. मल्टी कमोडिटी एक्सचेंजमध्ये सोन्याचे भाव 153 किंवा 0.30 टक्क्यांनी वाढून 51 हजार 922 रुपये प्रति 10 ग्रॅम झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.