नवी दिल्ली - भारतीय सराफ बाजारात सोमवारी पुन्हा सोन्याच्या दरात घसरण बघायला मिळाली. तसंच चांदीचे दरही कमी झाले आहेत. ऑगस्टमध्ये सोन्याच्या दराने उच्चांक गाठला होता. त्यानंतर सातत्याने दर कमी होत आहेत. डिसेंबरच्या पहिल्या आठवड्यात दरात थोडी वाढ झाली होती मात्र पुन्हा सोनं स्वस्त होत आहे.
दिल्लीतील सराफ बाजारात सोमवारी सोन्याच्या दरात 460 रुपयांची घट झाली. तर चांदीचे दरही एक किलोमागे 629 रुपयांनी कमी झाले आहेत. याआधी सोन्याचा दर 48 हजार 831 रुपये प्रति दहा ग्रॅम इतका होता तर चांदी 63 हजार 98 रुपये प्रति किलो इतकी होती. आंतरराष्ट्रीय बाजारात दर कमी झाल्यानं भारतातही सोनं चांदी स्वस्त झाले आहेत.
सोमवारी सोन्याचा दर 460 रुपयांनी कमी होऊन प्रति दहा ग्रॅम 48 हजार 371 रुपये इतका झाला आहे. तर आंतरराष्ट्रीय बाजारात सोन्याचा दर कमी होऊन तो 1830 डॉलर प्रति औंस इतका झाला आहे.
चांदीच्या दरातही घसरण झाली असून दिल्लीतील सराफ बाजारात प्रति किलोमागे 629 रुपये दर कमी झाले आहेत. यामुळे आता चांदीचे दर 62 हजार 469 रुपये प्रतिकिलो इतके झाले आहेत. आंतरराष्ट्रीय बाजारात चांदीचा दर 23.82 डॉलर प्रति औंस इतका आहे.
गुरवारच्या तुलनेत सोन्याचे दर शुक्रवारी 94 रुपयांनी कमी झाले होते. यामुळे सोन्याचा दर 49 हजार 97 रुपये प्रति दहा ग्रॅम असा झाला होता. नोव्हेंबर महिन्यात सोन्याच्या दरात मोठी घट झाली. तर डिसेंबरमध्येही तसंच काहीसं चित्र आहे. पहिल्या आठवड्यात मात्र किंमतीत 490 रुपयांनी वाढ झाली होती. तर चांदी जवळपास 3 हजार रुपयांनी वधारली होती.
ऑगस्ट महिन्यात सोन्याचा दर 56 हजार 254 रुपयांवर पोहोचला होता. चांदी 76008 रुपये प्रति किलो इतकी झाली होती. त्यानंतर सोने आणि चांदीच्या दरात घसरण सुरू होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.