सोने खरेदी करायचे असतील तर तुमच्यासाठी एक महत्त्वाची बातमी
तुम्हालाही लग्नसराईत सोने (Gold) खरेदी करायचे असतील तर तुमच्यासाठी एक महत्त्वाची बातमी आहे. आजपासून नवीन व्यापारी आठवडा सुरू होत आहे. आज नवीन ट्रेडिंग आठवड्याचा पहिला दिवस आहे. याआधी गेल्या व्यापार आठवड्यात सोन्याबरोबरच सराफ बाजारात चांदीच्या (Gold Silver Rate) दरात मोठी घसरण झाली होती. (Check Today's Gold Silver Price Updates)
या घसरणीने सोन्याचा दर पुन्हा एकदा 48000 रुपयांवर तर चांदीचा दर 61000 रुपयांच्या जवळ आला आहे. अशा परिस्थितीत आता सोने खरेदी करणे तुमच्यासाठी चांगली संधी ठरू शकते. अशा स्थितीत आज या व्यापारी आठवड्याच्या पहिल्या दिवशी भारतीय सराफ बाजारात सोन्या-चांदीची वाटचाल कशी होते याकडे सर्वांचे लक्ष असेल.
या व्यापारी आठवड्यात (24 ते 28 जानेवारी) 24 कॅरेट सोन्याचा भाव प्रति 10 ग्रॅम 613 रुपयांनी घसरला. या व्यापार सप्ताहाच्या पहिल्या दिवशी 24 जानेवारीला 24 कॅरेट सोन्याचा भाव 48,793 रुपये होता. तर 28 जानेवारी रोजी या व्यापार सप्ताहाच्या शेवटच्या दिवशी 47915 रुपये प्रति 10 ग्रॅमवर बंद झाला होता.
या व्यापारी आठवड्यात (24 ते 28 जानेवारी) चांदीच्या दरात प्रति किलो 3202 रुपयांची घसरण नोंदवली गेली. सोमवारी, (ता. 24) जानेवारी रोजी चांदीचा भाव 64422 रुपये प्रति किलो होता. तर, शुक्रवारी चांदीचा भाव 61220 रुपये प्रति किलोपर्यंत घसरला.
शनिवार आणि रविवारी दर जाहीर होत नाहीत
इंडियन बुल अँड ज्वेलर्स असोसिएशन (IBJA) सुट्टीमुळे शनिवार आणि रविवारी सोने आणि चांदीचे दर जाहीर करत नाही. शुक्रवारी सोने प्रति दहा ग्रॅम 613 रुपयांनी स्वस्त होऊन 47915 रुपयांवर बंद झाले. शेवटच्या व्यवहाराच्या दिवशी गुरुवारी सोने 48528 रुपयांवर बंद झाले. तर चांदी 1467 रुपयांनी स्वस्त होऊन 61220 रुपये प्रति किलोवर बंद झाले. याआधी गुरुवारी चांदीचा भाव 62687 प्रति किलोच्या दराने बंद झाला होता.
शुक्रवारी 24 कॅरेट सोने 47915 रुपये प्रति 10 ग्रॅम, 23 कॅरेट सोने 47723 रुपये प्रति 10 ग्रॅम, 22 कॅरेट सोने 43890 रुपये प्रति 10 ग्रॅम, 18 कॅरेट सोने 35936 रुपये प्रति 10 ग्रॅम आणि 14 कॅरेट सोने सुमारे 1280 रुपये प्रति 10 ग्रॅम पातळीवर बंद झाले.
22 कॅरेट आणि 18 कॅरेट सोन्याच्या दागिन्यांचे किरकोळ दर (Retail rates) जाणून घेण्यासाठी तुम्ही 8955664433 वर मिस कॉल करू शकता. थोड्याच वेळात एसएमएसद्वारे दर प्राप्त होतील. यासह, वारंवार अपडेट्सबद्दल माहितीसाठी तुम्ही www.Ibja.Co ला भेट देऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.