सार्वभौम सुवर्ण रोख्यांची अर्थात ‘सॉव्हरिन गोल्ड बाँड’मध्ये गुंतवणूक करण्याची ‘सुवर्ण’संधी आजपासून (ता. ९ ऑगस्ट) पुन्हा उपलब्ध होत आहे. रिझर्व्ह बँकेने आर्थिक वर्ष २०२१-२२ साठी सार्वभौम सुवर्ण रोख्यांची पाचवी मालिका जाहीर केली आहे. विशेष म्हणजे चौथ्या मालिकेपेक्षा थोड्या कमी किमतीत हे सुवर्ण रोखे खरेदी करता येणार आहेत. हे रोखे स्मॉल फायनान्स बँका व पेमेंट बँका वगळता, इतर सर्व शेड्यूल कमर्शिअल बँका, स्टॉक होल्डिंग कॉर्पोरेशन ऑफ इंडिया, निवडक टपाल कार्यालये; तसेच विविध ब्रोकिंग कंपन्यांच्या मार्फत खरेदी करता येतात.

• इश्‍यू सुरू होण्याची तारीख - ९ ऑगस्ट २०२१

• इश्यू बंद होण्याची तारीख - १३ ऑगस्ट २०२१

• किमान गुंतवणूक - एक ग्रॅम

• कमाल गुंतवणूक - चार किलो

• प्रतिग्रॅम किंमत - रु. ४७९०

• डिजिटल पेमेंट करणाऱ्यांसाठी किंमत - रु. ४७४०

• सुवर्ण रोख्यांचा कालावधी - ८ वर्षे

• इश्‍यू किमतीवर वार्षिक व्याज - २.५० टक्के