केंद्र सरकारने ड्रोन उत्पादक कंपन्यांसाठी 120 कोटी रुपयांची PLI योजना जाहीर केल्यानंतर झेन टेक्नॉलॉजीजच्या (Zen Technologies) स्टॉकच्या तेजीत आणखी वाढ होण्याची शक्यता वाढली आहे. देशातील शेअर बाजारात लिस्ट असलेली ही एकमेव ड्रोन बनवणारी कंपनी आहे. गेल्या एका महिन्यात त्याचा स्टॉक सुमारे 140 टक्के वाढला आहे.

नफा बुकिंगनंतर (Profit Booking) हा स्टॉक 250 रुपयांपर्यंत जाऊ शकतो असे बाजारातील तज्ज्ञांचे म्हणणे आहे.ड्रोन उत्पादन करणाऱ्या कंपन्यांसाठी PLI योजना पाच वर्षांसाठी आहे आणि याचाच कंपनीला दीर्घकाळ फायदा होईल. हा स्टॉक आधीच खूप वाढला आहे आणि यामुळे, त्यात नफा बुकिंग (Profit Booking) केले जाऊ शकते.

नफा बुकिंग (Profit Booking) झाल्यावर त्यात नवीन पोझिशन घेतली जाऊ शकते. पारस डिफेन्सच्या आयपीओनंतर झेन टेक्नॉलॉजीज (Zen Technologies) एकमेव लिस्टेड ड्रोन उत्पादन कंपनी नसेल. पारस डिफेन्सही कंपनीही ड्रोन तयार करते. कंपनीची आर्थिक स्थिती चांगली आहे आणि गेल्या दोन महिन्यांत त्याची ऑर्डर बुक दुप्पट झाली आहे. त्यांना गेल्या महिन्यात हवाई दलाकडून 150 कोटी रुपयांची ऑर्डर मिळाली होती.

तज्ज्ञांनी कंपनीचा शेअर कमीवर आल्यास खरेदी करण्याचा सल्ला दिला आहे. कमी तरलतेमुळे (Liquidity), नफा बुकिंगमुळे (Profit Booking) आगामी ट्रेडिंग सत्रांमध्ये लो सर्किट लागू शकते. या स्टॉकचा सपोर्ट 170 रुपये आहे. येत्या काही महिन्यांत हा शेअर 240 ते 250 रुपयांपर्यंत पोहोचण्याची शक्यता आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्यप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.