मुंबई: इंडियामार्ट इंटरमेश लि. या कंपनीचा आयपीओ 24 जूनपासून गुंतवणूकदारांसाठी खुला होणार आहे. इंडियामार्टडॉटकॉम ही वेबसाईट या कंपनीकडून चालवली जाते. इंडियामार्ट हे देशातील लघु आणि मध्यम व्यवसायासाठीचे आघाडीचे ऑनलाईन व्यासपीठ आहे. कंपनीच्या 24 जूनला येणाऱ्या आयपीओसंदर्भातील माहिती आज इंडियामार्टकडून देण्यात आली.
कंपनीने शेअरचा किंमतपट्टा 970-973 रुपये प्रति शेअर यादरम्यान ठेवला आहे. इंडियामार्टचा आयपीओची अंतिम मुदत 26 जून आहे. या आयपीओच्या माध्यमातून इंडियामार्ट आणि तिचे सध्याचे गुंतवणूकदार एकूण 40 लाख 88 हजार शेअर बाजारात आणणार आहेत. आयपीओच्या माध्यमातून कंपनीचा 475.5 कोटी रुपयांचे भांडवल उभारण्याचा मानस आहे. इंडियामार्टमधील सध्याचे गुंतवणूकदार असलेले इंटेल कॅपिटल, अॅमाडस कॅपिटल पार्टनर्स आणि कोना कॅपिटल या आयपीओतून आपल्या शेअरची विक्री करणार आहेत. इंटेल कॅपिटल 252 कोटी रुपयांच्या मुल्याचे शेअर बाजारात उपलब्ध करून देणार आहे. आयसीआयसीआय सिक्युरिटिज, एडेलवाईस फायनान्शियल सर्व्हिसेस आणि जेफरिज या कंपन्या इंडियामार्टच्या आयपीओचे व्यवस्थापन करणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.