मुंबई : देशी गुंतवणुकदारांच्या खरेदीमुळे आज भारतीय शेअरबाजार (Indian share market) निर्देशांकांमधील चार दिवस सुरु असलेली पडझड थांबली. सेन्सेक्स (Sensex) 113.11 अंशांनी तर निफ्टी (Nifty increases) 27 अंशांनी वाढला. आजही विदेशी संस्थात्मक गुंतवणुकदारांनी (Investors) विक्री सुरुच ठेवली, तरीही दिवसअखेर सेन्सेक्स 57,901.14 अंशांवर तर निफ्टी 17,248.40 अंशांवर स्थिरावला. आज बँका, वाहनउद्योग व औषधनिर्मिती कंपन्यांचे शेअर घसरले तर आयटी कंपन्यांचे शेअर (IT company shares increases) वाढले.

इन्फोसिस 37 रुपयांनी वाढून 1,771 रुपयांवर तर एचसीएल टेक 1,160 रुपयांवर गेला. टेक महिंद्र 1,652 रुपयांवर तर टीसीएस 3,581 रुपयांपर्यंत पोहोचला. त्याखेरीज बजाज फायनान्स (बंद भाव 7,028 रु.), टायटन (2,357), रिलायन्स इंडस्ट्रीज (2,404), महिंद्र आणि महिंद्र, नेस्ले, टाटास्टील या शेअरचे भाव वाढले.

तर दुसरीकडे मारुती 114 रुपयांनी घसरून 7,452 रुपयांपर्यंत आला. एचडीएफसी (2,700), हिंदुस्थान युनिलीव्हर (2,309), आयटीसी (222) यांच्यासह बजाज ऑटो, सनफार्मा, इंडसइंड बँक, लार्सन अँड टुब्रो, डॉ. रेड्डीज लॅब, एचडीएफसी बँक, भारती एअरटेल, कोटक बँक, अॅक्सीस बँक यांचे भाव कमी झाले.

आजचे सोन्याचांदीचे भाव

सोने - 48,350 रु.

चांदी - 61,400 रु.