मुंबई : उच्चांकी स्तरावर पोहोचलेले भारतीय शेअरबाजार (Indian Share Market) निर्देशांक आज सलग दुसऱ्या दिवशीही नफावसुलीमुळे घसरले. सेन्सेक्स (Sensex) 456.09 अंश तर निफ्टी (Nifty) 152.15 अंशांनी कमी झाला. आज बँकांचे शेअर्सच (bank shares) काहीसे तेजीत होते, धातूनिर्मिती, एफएमसीजी, औषधनिर्मिती (medicine development) आदी अन्य सर्व क्षेत्रे घट दाखवीत बंद झाली. आज दिवसअखेर सेन्सेक्स 61,259.96 अंशांवर तर निफ्टी 18,266.60 अंशांवर स्थिरावला.
आज सेन्सेक्सच्या प्रमुख 30 शेअरमधील फक्त सात शेअर वाढले, त्यात एअरटेल (बंद भाव 708 रु.), स्टेट बँक (499 रु.), इंडसइंड बँक (1,201 रु.), अॅक्सीस बँक (804), बजाज फायनान्स (7,761), आयटीसी (246) व एचसीएल टेक (1,232) यांचा समावेश होता. सेन्सेक्समधील अन्य 23 शेअरचे भाव घसरले.
टायटन 73 रुपयांनी घसरून 2,412 रुपयांवर तर हिंदुस्थान युनिलीव्हर 67 रुपयांनी घसरून 2,479 रुपयांवर आला. 455 रुपयांनी घसरलेला बजाज फिनसर्व्ह 18,598 रुपयांवर आला. त्याखेरीज लार्सन अँड टुब्रो (1,807), महिंद्र आणि महिंद्र (899), टाटा स्टील (1,342), बजाज ऑटो (3,848), सनफार्मा (814), रिलायन्स इंडस्ट्रीज (2,699) व इन्फोसीस (1,800) या शेअरचे भावही आज घसरले.
आजचे सोन्याचांदीचे भाव
सोने - 47,490 रु.
चांदी - 64,600 रु.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.