सण आणि कोरोनाकाळ (coronavirus) यामुळे मागील काही दिवसापासून घरगुती गॅस सिलिंडरचे भाव (Prices of gas cylinders) सतत वाढत आहे. जर तुम्ही गॅस सिलिंडर बुक करत असाल तर तु्मच्यासाठी ही महत्त्वाची बातमी आहे. दर महिन्याला गॅस सिलिंडरचे दर वाढत असले तरी ग्राहकांना दिलासा देणारी ही बातमी आहे. तर आता गॅस सिलिंडरची बुकिंग करताना कोणतेही पैसे द्यावे लागणार नाहीयेत. चला तर मग याबद्दल सविस्तर माहिती जाणून घ्या.

पेटीएमने (Paytm) एलपीजी ग्राहकांसाठी एक ऑफर आणलीय. ज्यामध्ये ग्राहकांना गॅस सिलिंडर बुकिंग करण्यासाठी कोणतेही शुल्क आकारले जात नाहीयेय. पेटीएमकडून ग्राहकांसाठी गॅस सिलिंडर बुकिंगसाठी विशेष ऑफर आणि कॅशबॅक ऑफर दिली जातेय.

आपल्या ग्राहकांसाठी पेटीएमने नवीन ऑफर आणल्या आहेत. यामध्ये एलपीजी गॅस सिलिंडर बुक करणाऱ्या ग्राहकांना 30 रुपयांचा पूर्ण कॅशबॅक मिळणार आहे. ग्राहकांना कोणत्याही इंधन कंपनीच्या सिलिंडर बुकिंगवर हा कॅशबॅक मिळू शकतो. तुम्हाला एचपी, इंडेन आणि भारतगॅस या तिन्हींच्या बुकिंगवर ही ऑफर मिळू शकेल. यासाठी, ग्राहकांना बुकिंगच्या वेळी प्रोमोकोड 'FIRSTCYLINDER' वापरावा लागेल.

या ऑफरशिवाय ग्राहक पेटीएमच्या 'पेटीएम नाऊ पे लेटर' या सुविधेचाही लाभ घेऊ शकता. या सुविधेचा लाभ घेतल्यास तुम्हाला पुढील काही महिन्यात गॅस सिलिंडरच्या बुकिंगसाठी पैसे भरण्यासाठी पर्याय मिळेल. जर तुम्ही आता सिलिंडर बुक करत असाल तर तुम्हाला तुमच्या गॅसचे वितरक (Distributor) निवडावे लागतील. तुम्हाला तुमचा मोबाईल नंबर, ग्राहक क्रमांक आणि एलपीजी आयडी नमूद कराला लागेल. यानंतर तुम्ही पेटीएम आयडी किंवा नेट बॅकिंगद्वारे पेमेंट करुन बुकिंग करु शकता.