मुंबई : महिंद्रा अॅण्ड महिंद्रा कंपनीने आता टॉय ट्रॅक्टर बाजारात आणण्याची तयारी सुरु केली आहे. महिंद्राकडून लाँच करण्यात येणार सर्वात लहान ट्रॅक्टर असणार आहे. आनंद महिंद्रा या ट्रॅक्टरविषयी बोलताना म्हणाले, की तुम्ही कल्पना करु शकणार नाही, इतका लहान हा ट्रॅक्टर असणार आहे. आनंद महिंद्रा यांनी ट्विट करून याची माहिती दिली आहे. टॉय ट्रॅक्टर कृषी प्रधान देशात युवकांना डोळ्यासमोर ठेवून तयार करण्यात येत आहे. शेतीत युवकांचे योगदान मिळण्यासाठी हे पाऊल उचलण्यात आले आहे असेही ते म्हणाले.
शेतीत देशातील तरूण जे योगदान देत आहेत त्यांच्यासाठी नॅनो ट्रॅक्टर एक चांगली भेट ठरणार आहे. रिमोटच्या मदतीने नियंत्रित करता येणार असल्याने लांबून देखील ट्रॅक्टर वापरता येणार आहे. 12 व्ही इलेक्ट्रिक ट्रॅक्टर असून 3 (फॉरवर्ड + रिव्हर्स) गिअर ट्रान्समिशन आहे. स्पीड लॉक फंक्शनदेखील या ट्रॅक्टरमध्ये समाविष्ट केले गेले आहे. आता ट्रॅक्टरच्या किंमतीविषयी सगळ्यांमध्ये उत्सुकता आहे.
सध्या ऑटो क्षेत्रात मंदीचे वातावरण आहे. त्यावेळी बोलताना महिंद्रा म्हणाले की, वाहन उद्योगात मूलभूत बदल होत असून त्याचा फायदा घेण्याची वेळ आली आहे. कंपनी आता इलेक्ट्रिक वाहनांवर भर देणार असून येत्या दोन ते तीन वर्षात नवीन इलेक्ट्रिक वाहने बाजारात आणणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.