नवी दिल्ली - देशातील आघाडीची प्रवासी वाहन उत्पादक कंपनी मारुती सुझुकीला तिसऱ्या तिमाहीत 1,565 कोटींचा नफा झाला आहे. खर्च कपातीचे प्रयत्न, कमी ऑपरेटिंग खर्च, कमॉडिटी किंमतीत झालेली घसरण आणि कॉर्पोरेट कर कपातीचा फायदा यामुळे मागील वर्षीच्या तुलनेत चालू वर्षी कंपनीच्या नफ्यात 5.1 टक्क्यांची वाढ होऊन 1,564.8 कोटींचा नफा कंपनीने नोंदविला.

ताज्या बातम्यांसाठी डाऊनलोड करा ई-सकाळचे ऍप

तिसऱ्या तिमाहीत कंपनीने एकूण 19,649 कोटी मूल्य असलेल्या वाहनांची विक्री केली. जी मागील वर्षीच्या तुलनेत 3.8 टक्क्यांनी अधिक आहे.

मागील वर्षीच्या तुलनेत 2 टक्क्यांची वाढ नोंदवत या तिमाहीत कंपनीने एकूण 437,361 वाहनांची विक्री केली. तर देशांतर्गत वाहन विक्री देखील 2 टक्क्यांनी वाढून 413,698 वाहने विकली गेली. 

सोन्याची चकाकी पुन्हा वाढतेय; कारण... 

मारुती सुझुकी मोटारींच्या किंमतीत वाढ
मारुती सुझुकी इंडियाने (एमएसआय) वाढत्या 'इनपुट' खर्चामुळे निवडक मॉडेल्सच्या किंमतीत १० हजार रुपयांपर्यंत वाढ करण्याचा निर्णय घेतला आहे. 'एंट्री लेव्हलच्या ऑल्टोच्या किंमतीत 9 हजार ते 6 हजार रुपये, एस-प्रेसोमध्ये 1,500 ते 8 हजार रुपये आणि वॅगनआर किंमतीत 1,500 ते 4 हजाररुपयांपर्यंत वाढ करण्यात आली आहे. तसेच कंपनीने एर्टिगा, बलेनोच्या किंमतीत देखील वाढ करण्याचा निर्णय घेतला आहे.