नवी दिल्ली - आंतरराष्ट्रीय पातळीवर खनिज तेलाचे भाव वाढू लागल्याने दिल्लीत पेट्रोलचा दर काल दोन महिन्यांत प्रथमच प्रतिलिटर ७७ रुपयांवर गेला. दिल्लीत काल पेट्रोलच्या दरात प्रतिलिटर ९ पैसे वाढ होऊन तो ७७.०६ रुपयांवर गेला. याच वेळी डिझेलच्या दरात प्रतिलिटर ६ पैसे वाढ होऊन तो ६८.५० रुपयांवर गेला.
देशातील सर्व महानगरे आणि राज्यांच्या राजधानींशी तुलना करता दिल्लीत पेट्रोल सर्वांत स्वस्त आहे. स्थानिक कर अथवा मूल्यवर्धित कर कमी असल्याने दिल्लीत इंधनाचा दर कमी आहे. आंतरराष्ट्रीय पातळीवर खनिज तेलाचे भाव ३० जुलैपासून वाढू लागले आहेत. यामुळे मागील ९ दिवसांत पेट्रोलच्या दरात प्रतिलिटर ९० पैसे तर डिझेलच्या दरात प्रतिलिटर ८८ पैसे वाढ झाली आहे. याआधी ९ जूनला पेट्रोलचा दर प्रतिलिटर ७७.०२ रुपयांवर गेला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.