PF Account Alert: भविष्य निर्वाह निधी खाते हा गुंतवणुकीसाठी चांगला पर्याय आहे. फेब्रुवारी 2022 च्या अखेरीस, वित्त मंत्रालयाने (Finance Ministry) एका परिपत्रकाद्वारे पीपीएफ खात्यांच्या विलीनीकरणाच्या अटी स्पष्ट केल्या आहेत. त्यानुसार एकावेळी दोन दोन PPF खाती विलीन करता येणार नाहीत, असे सांगितले आहे. पीपीएफ नियम २०१९ नुसार, कोणत्याही व्यक्तीच्या नावावर एकापेक्षा जास्त पीपीएफ खाती असू शकत नाहीत. पण काही विशिष्ट परिस्थितीत एक गुंतवणूकदार एकापेक्षा जास्त खाती उघडू शकतो. मात्र त्यासाठी काही अटी नियम लागून होतात . PPF नियम 2019 नुसार, जर एखाद्या व्यक्तीने 12 डिसेंबर 2019 रोजी किंवा त्यानंतर एकापेक्षा जास्त खाती उघडली तर अशी अतिरिक्त खाती बंद केली जातील. या खात्यांवर PPF व्याज दिले जाणार नाही.

असा आहे नवीन नियम

लोकं याविषयी फारशी माहिती नसल्याने एकापेक्षा जास्त पीपीएफ अकाउंट उघडतात. पण अशा परिस्थितीत त्यानंतरचे खाते सरकार बंद करते. वित्त मंत्रालयाने प्रसिद्ध केलेल्या परिपत्रकानुसार, जर 12.12.2019 रोजी किंवा त्यानंतर कोणतेही PPF खाते उघडले गेले तर, असे खाते कोणत्याही व्याजाशिवाय बंद केले जाणार आहे. अशा PPF खात्यांचे पेमेंट आणि विलीनीकरणाचा कोणताही प्रस्ताव याद्वारे तयार केला जाणार नाही. तसेच असा प्रस्ताव पोस्ट संचालनालयाला पाठवू नये, असेही म्हटले आहे. महत्वाचे म्हणजे, गुंतवणूकदारांना पीपीएफ खात्यावर वार्षिक ७.१ टक्के परतावा मिळत आहे.