नवी दिल्ली - बॅंकिंग क्षेत्र बुडीत कर्जांनी संकटात सापडले असताना रिझर्व्ह बॅंक काय करतेय, असा सवाल ‘कॅग’चे प्रमुख राजीव मेहरीशी यांनी आज केला. 

बॅंकांमधील बुडीत कर्जांचा आकडा ९.६१ लाख कोटींवर गेला आहे. हे संकट कसे दूर करायचे, हा प्रश्‍न सरकारला भेडसावत असून, बॅंकांना भांडवली साह्य करणे त्रासदायक आहे. मात्र, बॅंकांकडून मोठ्या प्रमाणात कर्ज वितरण करताना रिझर्व्ह बॅंक काय करत होती, असा जाब कोणीही विचारत नाही. बुडीत कर्जांबाबत ‘आरबीआय’ची भूमिका काय, ‘आरबीआय’ची जबाबदारी कोणती, असा सवाल मेहरीशी यांनी उपस्थित केला. व्यवस्थापनामधील सुशासनाचा अभाव, आर्थिक गैरव्यवहार यांमुळेही बॅंकांच्या अडचणींमध्ये वाढ झाल्याचे त्यांनी सांगितले.

बॅंकांनी नियमबाह्य कर्ज वितरण करताना नियंत्रक म्हणून रिझर्व्ह बॅंकेने कोणती भूमिका घेतली. बुडीत कर्जांबाबत रिझर्व्ह बॅंकेला जबाबदार धरावे का, यासंदर्भात सार्वजनिकरीत्या चर्चा होताना दिसत नाही.
- राजीव मेहरीशी, नियंत्रक आणि महालेखापरीक्षक (कॅग)