मुंबई : रुपयाचं अवमुल्यन अद्यापही सुरुच असून आज (मंगळवार) पुन्हा एकदा अमेरिकन डॉलरच्या तुलनेत रुपयाचं मुल्य आजवरच्या सर्वात निचांकी पातळीवर घसरलं आहे. काल बाजार बंद झाला तेव्हाच रुपया निचांकी पातळीवर बंद झाला होता. (Rupee falls to lifetime low of 79.58 against US dollar)

देशांतर्गत स्टॉक मार्केटमधून सतत विदेशी कंपन्यांचं बाहेर पडत आहेत तसेच अमधूनमधून डॉलरच्या विक्रीचं प्रमाण वाढल्यानं त्याचा परिणाम रुपयाच्या अवमुल्यनावर झाला आहे. यापार्श्वभूमीवर इंटरबँक फॉरेक्स मार्केटमध्ये मंगळवारी रुपया १३ पैसे निचांकी पातळीवर खुला झाला. अर्थात रुपया डॉलरच्या तुलनेत ७९.५८ रुपयांपर्यंत घसरला आहे.

रुपया शुक्रवारी 79.25 मुल्यावर बंद झाला होता तुलनेत स्थानिक सत्रात रुपया प्रति डॉलर 79.43 वर बंद झाला. त्यानंतर रुपयानं युनिट सत्रादरम्यान 79.44 च्या आजीवन नीचांकी पातळीला स्पर्श केला, मागील आठवड्यात रुपया 79.3750च्या या नीचांकी पातळीवर होता.

रिझर्व्ह बँक ऑफ इंडियाने (RBI) गेल्या बुधवारी परदेशी गंगाजळी वाढावी यासाठी अनेक उपायांची घोषणा केली होती. ज्यामध्ये परदेशी गुंतवणूकदारांना अल्प-मुदतीचे कॉर्पोरेट कर्ज खरेदी करण्याला परवानगी तसेच अधिक सरकारी सिक्युरिटीजचा समावेश याचा समावेश होता.