मुंबई - डॉलरच्या तुलनेत रुपयाने गुरुवारी ७७ पैशांची उसळी घेऊन तो ६९.८५ या पातळीवर बंद झाला. मागील तीन महिन्यांतील रुपयाची ही उच्चांकी पातळी आहे.
निर्यातदारांकडून डॉलरची विक्री आणि खनिज तेलाच्या भावातील घसरण, यामुळे रुपया वधारला. चलन बाजारात आज सकाळी डॉलरच्या तुलनेत रुपया ७०.१५ या पातळीवर गेला. नंतर तो आणखी वधारून ६९.८८ या पातळीवर पोचला. अखेर मागील सत्राच्या तुलनेत तो ७७ पैशांनी वधारून ६९.८५ या पातळीवर बंद झाला. याआधी २४ ऑगस्टला रुपया ७० च्या पातळीखाली बंद झाला होता. त्या वेळी रुपया ६९.९१ या पातळीवर बंद झाला होता.
शेअर बाजारातील तेजीमुळे रुपयाला बळ मिळाले. रुपयात सलग तिसऱ्या सत्रात वाढ नोंदविण्यात आली आहे. अमेरिकेची मध्यवर्ती बॅंक ‘फेडरल रिझर्व्ह’चे अध्यक्ष जेरोम पॉवेल यांनी आगामी काळात व्याजदर ‘जैसे थे’ ठेवण्याचे सूतोवाच केल्याने डॉलरला फटका बसला. जगभरातील प्रमुख चलनांच्या तुलनेत डॉलरमध्ये आज घसरण नोंदविण्यात आली. जागतिक पातळीवर खनिज तेलाच्या भावातील घसरण कायम आहे. खनिज तेलाचा भाव आज प्रतिबॅरल १.०४ टक्क्याने कमी होऊन ५८.१५ डॉलरवर आला.
खनिज तेलाच्या भावातील घसरण भारतासाठी सकारात्मक असून, चलनवाढ आणि चालू खात्यावरील तूट कमी होण्यास मदत होईल.
- ऋषभ मारू, संशोधक विश्लेषक, आनंद राठी शेअर्स अँड स्टॉक ब्रोकर्स
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.