गुरुवारी शेअर बाजारात मोठी उसळी बघायला मिळाली होती. जवळपास १००० हजार अंकांनी निर्देशांकात वाढ झाली होती. त्यानतंर आज आठवड्याच्या शेवटच्या दिवशी शुक्रवारी शेअर बाजार विक्रमी अंकांनी उघडला. सेन्सेक्स पहिल्यांदाच ६० हजारांच्यावर पोहोचला आहे.

बॉम्बे स्टॉक एक्स्चेंजचा निर्देशांक सेन्सेक्स ३२५.७१ अंकांच्या वाढीसह उघडला. ही वाढ ०.५४ टक्के असून सेन्सेक्स ६० हजार २११.०७ वर पोहोचला. तर नॅशनल स्टॉक एक्स्चेंज निफ्टी ९३.३० अंकांच्या वाढीसह १७ हजार ९१६.३० वर पोहोचला आहे.

गेल्या आठवड्यात सेन्सेक्स ७१० अंकांनी वाढला होता. सुरुवातीच्या बाजारात १२९३ शेअर्समध्ये तेजी बघायला मिळाली तर ३५५ शेअर्समध्ये घसरण झाली होती. ८९ शेअर्समध्ये कोणताही बदल झाला नाही.