गेल्या काही दिवसांपासून शेअर बाजारात प्रचंड अस्थिरता दिसून येत आहे. बुधवारीही शेअर बाजार घसरणीसह बंद झाला. आज सुरवातीच्या सत्रात सकारात्मता दिसून आली होती. बाजार तेजीसह उघडला होता मात्र तेजी फार वेळ टिकली नाही. दिवसभर बाजारात अस्थिरता दिसून आली अखेर आजही बाजार घसरणीसह बंद झाला.
आज सेन्सेक्स 147 अंकाच्या घसरणीसह 59,958 वर बंद झाला तर निफ्टी 37 अंकाच्या घसरणीसह17,858 वर बंद झाला. आज 25 घसरले असून 25 शेअर्स तेजीत आहे.
आज सुरवातीच्या सत्रात सेन्सेक्स 60,083 अंकांच्या वाढीसह तर राष्ट्रीय शेअर बाजाराचा निफ्टी 17 अंकांच्या वाढीसह 17,912 अंकांवर उघडला होता. आज सकाळी बाजारात आयटी, ऑटो, एफएमसीजी, मेटल सेक्टरच्या शेअर्समध्ये वाढ दिसून आली होती तर बँकींग, एनर्जी सेक्टरच्या शेअर्समध्ये घसरण पाहायला मिळाली.
दिवसभर शेअर बाजारात अस्थिरतेचे वातावरण होते त्यामुळे गुंतवणूकदारांमध्ये धाकधूक कायम होती.
या शेअर्समध्ये तेजी - SBILIFE, ULTRACEMCO, HCLTECH, CIPLA, BAJAJ-AUTO, HDFC, WIPRO, TCS BAJFINANCE
या शेअर्समध्ये घसरण -RELIANCE, AXISBANK, TATAMOTORS, KOTAKBANK, TATASTEEL, INDUSINDBK, HINDUNILVR
बाजारावरील सततच्या दबावाचे सर्वात मोठे कारण म्हणजे परदेशी गुंतवणूकदारांकडून भांडवल काढून घेणे. गेल्या ट्रेडिंग सत्रातही विदेशी संस्थागत गुंतवणूकदारांनी 3,208.15 कोटी रुपयांचे शेअर्स विकून भारतीय बाजारातून भांडवल काढून घेतले.
यूएस फेड अध्यक्षांच्या भाषणात चलनविषयक धोरणात काहीही नरमाई येण्याची चिन्हे दिसत नाहीत, त्यामुळे बाजारावर परिणाम झाला. सध्या बाजाराची दिशा स्पष्ट नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.