शेअर बाजारातील कालच्या घसरणीनंतर आजचा दिवस गुंतवणूकदारांसाठी सोन्याचा ठरला असल्याचं दिसून आलं आहे. काल शेअर बाजारात तेजीला मोठा ब्रेक लागला होता. परंतु आज शेअर बाजारात सुरवतीपासून तेजी पाहायला मिळाली आहे. आज सकाळच्या सत्रात भारतीय शेअर बाजारातील व्यवहाराची सुरुवात तेजीने झाली होती. बाजार सुरू होताच सेन्सेक्स 486 अंकांनी तर, निफ्टी 171 अंकांनी तेजीत व्यवहार करत होती. पण, आज दुपारच्या सत्रात शेअर बाजारात मोठी तेजी पाहायला मिळाली.
शेअर बाजारात आज चांगलीच उसळण दिसून आली आहे. आज राष्ट्रीय शेअर बाजाराचा निर्देशांक सेन्सेक्समध्ये 1564 अंकांची तर निफ्टीमध्ये 446 अंकांची वाढ झाली. सेन्सेक्समध्ये आज 2.70 टक्क्यांची वाढ होऊन तो 59,537 अंकांवर वधारला तर निफ्टीमध्ये 2.58 टक्क्यांची वाढ होऊन तो 17,759 अंकांवर वधारला आहे.
आज शेअर बाजारात फायनान्शिअल आणि ऑटो सेक्टरच्या इंडेक्समध्ये मोठी वाढ झाली आहे. तर HDFC, ICICI बँक आणि टाटा मोटर्सच्या शेअर्समध्ये चांगलीच वाढ दिसून आली आहे. निफ्टीमधील सर्वच 50 स्टॉकमध्ये आज वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.