Share Market Updates: चांगल्या सुरुवातीनंतरही आज दिवसअखेर शेअर बाजारात घसरण झाली. सेन्सेक्स आणि निफ्टी दोन्ही निर्देशांकांनी सकाळी गॅप-अप ओपनिंग दिलं होतं. परंतु तरीही दिवसअखेर शेअर बाजार लाल रंगात बंद झाला. दिवसअखेर सेन्सेक्स (Sensex) 237.44 अंकांनी अर्थात 0.41 टक्क्यांनी घसरून 58338.93वर बंद झाला, तर निफ्टीही (Nifty) 54.65 अंकांनी अर्थात 0.31 टक्क्यांनी घसरून 17,475.65वर बंद झाला.

तत्पूर्वी गेल्या चार दिवसांपासून शेअर बाजारात होत असलेल्या घसरणीला आजच्या दिवसाच्या सुरुवाताली ब्रेक लागला. शेअर बाजारातील सेन्सेक्स आणि निफ्टी या दोन्ही निर्देशांकांनी आज गॅपअप ओपनिंग दिलं. सेन्सेक्स आज सुरु होताना 334.37 अंकांच्या वाढीसह 58910 वर सुरु झाला तर निफ्टीही 69.6 अंकांच्या वाढीसह 17599 वर सुरु झाला.