शेअर बाजारात (Share Market) नव्या आठवड्यातही निराशाच पदरी पडली. कारण सलग पाचव्या दिवशी घसरण पाहायला मिळाली. सोमवारी फेडरल रिझर्व्हच्या बैठकीपूर्वी कमकुवत जागतिक संकेत आणि कमकुवतपणाने बाजारातील वातावरण खराब राहिले. दिवसाअंती सेन्सेक्स (Sensex) 1545.67 अंकांनी म्हणजेच 2.62 टक्क्यांनी घसरून 57,491.51 वर बंद झाला. दुसरीकडे, निफ्टी (Nifty) 468.05 अंकांनी अर्थात 2.66 टक्क्यांनी घसरून 17,149.10 वर बंद झाला.

आगामी फेड बैठकीपूर्वी कमकुवत जागतिक संकेतांचा बाजारावर परिणाम दिसून आला आणि त्यामुळेच बाजारात मोठी घसरण झाल्याचे एलकेपी सिक्युरिटीजचे एस रंगनाथन म्हणाले. या घसरणीचा सर्वात मोठा बळी नव्या टेक्नोलॉजीवर आधारित शेअर्सना बसला. यामध्ये, FII ने मोठ्या प्रमाणात खरेदी केली होती.

यापुढेही बाजारात प्रचंड अस्थिरता असेल असे रेलिगेअर ब्रोकिंगचे अजित मिश्रा म्हणाले. गुंतवणूकदार फेड बैठकीच्या निकालाची वाट पाहत आहेत. शिवाय, अर्थसंकल्पपूर्व अनिश्चितता, कॉर्पोरेट निकालांचा हंगाम आणि मंथली एक्सपायरी यामुळे हो अस्थिरता आणखी वाढेल असेही त्यांचे म्हणणे आहे. अशा स्थितीत, रिस्क मॅनेजमेंटकडे लक्ष द्यावे लागेल असे ते म्हणाले. दुसरीकडे, गुंतवणूकदार या घसरणीला चांगल्या किमतीत दर्जेदार स्टॉक खरेदी करण्याची संधी असल्याचेही ते म्हणाले.

निर्देशांक पुढे कमजोर राहण्याची शक्यता असल्याचे एलकेपी सिक्युरिटीजचे रुपक डे म्हणाले. निफ्टीमध्ये 17150 च्या वरचा मजबूत ट्रेड बाजारात दिलासा देऊ शकतो. दुसरीकडे, जर तो 17,150 च्या खाली घसरला तर ही घसरण 17000 पर्यंत जाऊ शकते, अशी माहिती त्यांनी दिली.

आजचे टॉप 10 शेअर्स ?

- जेएसडब्ल्यू स्टील (JSWSTEEL)

- बजाज फायनान्स (BAJFINANCE)

- टाटा स्टील (TATASTEEL)

- ग्रासिम (GRASIM)

- हिंदाल्को (HINDALCO)

- अॅस्ट्रल (ASTRAL)

- गोदरेज प्रॉपर्टीज (GODREJPROP)

- झी एन्टरटेन्मेंट लिमिटेड (ZEEL)

- आयडिया (IDEA)

- एनआयआयटी टेक्नोलॉजीज (COFORGE)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.