Share Market Update : या आठवड्यात शेअर बाजारात तेजी पहायला मिळत असून सलग तिसऱ्या दिवशीही शेअर बाजार तेजीत बंद झाल्यामुळे गुंतवणुकदारांमध्ये समाधान आहे. सुरवातीच्या सत्रापासून शेअर बाजारात तेजी होती. अखेर दुसऱ्या सत्रात शेअर बाजार तेजीसह बंद झाला. सेन्सेक्स 214 अंकानी 58,350 वर बंद झाला तर निफ्टी 43 अंकाच्या तेजीसह 17,388 वर बंद झाला. त्यामुळे गुंतवणुकदारांनी आज चांगला नफा कमावल्याचं चित्र आहे. दरम्यान कालच्या तुलनेत जास्त वाढ आज बाजारात दिसून आली आहे.

(Share Market Update)

आज शेअर बाजारात आज बहुतांश शेअर्समध्ये तेजी होती. यामध्ये प्रामुख्याने TECHM, INFY, TITAN, TCS आणि ASIANPAINT या शेअर्समध्ये आज लक्षणीय वाढ दिसून आली आहे. त्याचबरोबर SUNPHARMA, TATAMOTORS, KOTAKBANK, MARUTI, COALINDIA या शेअर्समध्ये प्रामुख्याने घसरण झाली आहे.

दरम्यान, या आठवड्यातील पहिल्या तीनही दिवशी शेअर बाजारात तेजी दिसून आली आहे. त्यामुळे गुंतवणूकदारांना काहीसा दिलासा मिळत असून काल या आठवड्यातील सुरूवातीच्या दोन्ही दिवशी बाजारात तेजी दिसून आली आहे होती. आठवड्यातील पहिल्या तीन दिवसांची तुलना केली तर काल (मंगळवारी) शेअर बाजारात काहीशी कमी प्रमाणात तेजी दिसून आली होती. त्यामानाने सोमवारी आणि आज बाजारात चांगली वाढ झाली आहे.