आज सकाळी सकारात्मक कामगिरीनंतर दिवसअखेर शेअर बाजारात मोठी घसरण झाली. सकाळी शेअर बाजारात सकारात्मक सुरुवात झाली होती. त्यानंतर दिवसभर शेअर बाजाराने चांगली कामगिरी केली होती मात्र दुपारनंतर शेअर बाजार कोसळला. सेन्सेक्समध्ये 460.19 अंकांनी म्हणजेच 0.80 टक्क्यांनी घसरून 57060.87वर बंद झाला. तर निफ्टी 142.50 अंकांनी म्हणजेच 0.83 टक्क्यांनी घसरून 17,102.55वर बंद झाला. निफ्टी 50 मधील HDFCLIFE, TATACONSUM, KOTAKBANK यांसह 12 शेअर्समध्ये वाढ नोंदवली गेली. तर AXISBANK, COALINDIA, ADANIPORTS, WIPRO यांसह 38 शेअर्समध्ये घसरण झाली.
शेअर बाजारामध्ये काल मंथली एक्सपायरीदिवशी तेजी दिसून आली होती. आजच्या दिवसाच्या सुरुवातीलाही शेअर बाजाराची सुरुवात सकारात्मक झाली. सेन्सेक्स आणि निफ्टी दोन्ही निर्देशांक आज हिरव्या चिन्हात सुरु झाले. आज सेन्सेक्स (Sensex) 296.45 अंकांनी वधारून 57,817.51वर सुरु झाला तर निफ्टी (Nifty) 84.2 अंकांनी वधारून 17,329.25 वर सुरु झाला. निफ्टी 50 मधील 39 शेअर्सने सकारात्मक ओपनिंग दिलं तर 11 शेअर्समध्ये दिवसाची सुरुवात घसरणीने झाली. ONGC, SUNPHARMA, TATASTEEL, GRASIM मध्ये चांगली वाढ झाली तर SBILIFE, AXISBANK, HEROMOTOCO, DIVISLAB मध्ये घट नोंदवली गेली.
तत्पूर्वी काल बीएसईचे सर्व सेक्टरल इंडेक्स तेजीत होते तेजीत होते. एफएमसीजी, पॉवर, पीएसई समभाग सर्वाधिक वाढले. आयटी, इन्फ्रा, बँकिंग शेअर्समध्येही खरेदी झाली. बीएसई मिडकॅप इंडेक्स 0.31 टक्क्यांच्या वाढीसह बंद झाला तर स्मॉलकॅप इंडेक्स 0.08 टक्क्यांच्या घसरणीसह बंद झाला.
व्यवहाराच्या शेवटी, सेन्सेक्स 701.67 अंकांच्या म्हणजेच 1.23 टक्क्यांच्या वाढीसह 57,521.06 वर बंद झाला. दुसरीकडे, निफ्टी 206.65 अंकांच्या अर्थात1.21 टक्क्यांच्या वाढीसह 17245.05 वर बंद झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.