महिंद्रा अँड महिंद्राचे (M&M) शेअर्स करणार मालामाल; 72 टक्के वाढीचा तज्ञांचा अंदाज | Mahindra and Mahindra Stocks | Sakal
sakal

बोलून बातमी शोधा

Best Stocks to Buy Today
महिंद्रा अँड महिंद्राचे (M&M) शेअर्स करणार मालामाल; 72 टक्के वाढीचा तज्ञांचा अंदाज | Mahindra and Mahindra Stocks

महिंद्रा अँड महिंद्राचे (M&M) शेअर्स करणार मालामाल; 72 टक्के वाढीचा तज्ञांचा अंदाज

Best Stock to Buy: शेअर बाजारात सध्या चांगलीच अस्थिरता दिसून येत आहे. यात, जर तुम्हाला लाँग टर्मच्या दृष्टिकोनातून दर्जेदार स्टॉक घ्यायचे असतील, तर तुम्ही महिंद्रा अँड महिंद्रा (M&M) शेअर्सचा विचार करू शकता. ब्रोकरेज रिसर्च फर्म IDBI कॅपिटलने महिंद्रा अँड महिंद्रा (M&M) शेअर्सच्या खरेदीचा सल्ला दिला आहे. पुढील दोन वर्षांत या स्टॉकमध्ये 70 टक्क्यांहून अधिक परतावा अपेक्षित आहे.

ब्रोकरेज हाऊसचे मत?

महिंद्रा अँड महिंद्रा (M&M) मॅनेजमेंटचा फोकस वाढीसह व्हॅल्यू क्रिएशनवर असल्याचे IDBI कॅपिटलचे म्हणणे आहे. कंपनीच्या वाहन व्यवसायात मजबूत रिकव्हरी अपेक्षित आहे. FY22-24E मध्ये 31 टक्के PAT CAGR अपेक्षित आहे. त्याच वेळी, कंपनीला इलेक्ट्रिक वाहने (EV) आणि इतर व्यवसायांमध्ये व्हॅल्यू अनलॉकिंगची आशा आहे. (Latest News Update of Share Market)

हेही वाचा: 50 रुपयांपेक्षा कमी किंमतीचा हा शेअर तुम्हाला करेल मालामाल..!

आयडीबीआय कॅपिटलने महिंद्रा अँड महिंद्राच्या (M&M) स्टॉकला 'बाय' रेटिंग दिले आहे. तसेच, प्रति शेअर टारगेट 1,616 रुपये ठेवण्यात आले आहे. 26 एप्रिल 2022 रोजी शेअरची किंमत 940 रुपयांवर बंद झाली. अशाप्रकारे, गुंतवणूकदारांना सध्याच्या किंमतीपेक्षा सुमारे 72 टक्के परतावा मिळू शकतो.

कंपनीची ट्रॅक्टर व्यवसायात स्थिर वाढ होत आहे. व्हॉल्यूमच्या बाबतीत, ते जगातील सर्वात मोठे ट्रॅक्टर उत्पादक म्हणून कायम राहील. भारतात, महिंद्रा, स्वराज आणि ट्रॅकस्टार या तीन ब्रँड अंतर्गत ट्रॅक्टर विकते. देशांतर्गत बाजारपेठेत कंपनीचा हिस्सा सुमारे 40 टक्के आहे.पुढील 2 वर्षात कंपनीची व्हॉल्यूम वाढ सुमारे 8 टक्के असू शकते. कंपनीला सामान्य मान्सून, कृषी आणि ग्रामीण खर्च, जागतिक कृषी गुंतवणूक आणि कृषी यंत्रसामग्री विभागातील वाढीचा फायदा होईल.

हेही वाचा: गुंतवणूकदार मालामाल; HDFC विलीनीकरणाने तेजी

इलेक्ट्रिक व्हेइकल्स (EV) सेगमेंटबद्दल बोलायचे झाले तर, कंपनीकडे उत्पादनाची मजबूत लाइन आहे. भारतीय बाजारपेठेत ईव्ही आणणारी ही आघाडीची कंपनी आहे. महिंद्रा अँड महिंद्राने (M&M) बेंगळुरू-आधारित स्टार्टअप रेवा इलेक्ट्रिक कार कंपनीच्या अधिग्रहणाद्वारे आपल्या EV पोर्टफोलिओचा विस्तार केला आहे. M&M कडे सध्या व्हेरिटो हे EV मॉडेल आहे. पुढील 12-18 महिन्यांत, स्ट्रॅटजिक पार्टनरशिप किंवा गुंतवणूकदारांद्वारे ईव्ही व्यवसायात ताकद दाखवू शकते.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

Web Title: Mahindra And Mahindra Mm Shares Best Stock To Invest In Share Market Said Experts

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..