Share Market Holiday 2023 : आजपासून नवीन वर्ष 2023 सुरू झाले आहे. 2022 हे वर्ष शेअर मार्केटमध्ये चढ-उतारांनी भरलेले होते आणि गेल्या वर्षी अनेक कंपन्यांनी त्यांचे IPO लॉन्च केले आहेत.

तुम्ही शेअर मार्केटमध्ये ट्रेडिंग करत असाल तर, तुमच्यासाठी हे जाणून घेणे महत्वाचे आहे की, या वर्षी शेअर मार्केटमध्ये किती दिवस ट्रेडिंग होणार नाही.

शेअर मार्केटमधील साप्ताहिक सुट्टी व्यतिरिक्त असे बरेच दिवस असतात ज्यात सण, राष्ट्रीय सण आणि वर्धापन दिनांमुळे शेअर मार्केटमध्ये सुट्टी असते. याविषयी जाणून घेऊयात.

हेही वाचा : Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?

भारतीय स्टॉक एक्स्चेंजने 2023 साठी त्यांच्या सुट्टीची यादी जारी केली आहे. या यादीनुसार 2023 मध्ये वीकेंडच्या सुट्ट्या वगळता 15 दिवस शेअर बाजारात कोणताही व्यवहार होणार नाही. जानेवारी महिन्यातील पहिली सुट्टी 26 जानेवारीला प्रजासत्ताक दिन असेल. याशिवाय होळी, रामनवमी, दिवाळी या सणांमुळे शेअर बाजार बंद राहणार आहे.

2023 मध्ये इतके दिवस शेअर बाजार राहणार बंद :

26 जानेवारी - प्रजासत्ताक दिन

7 मार्च - होळी

30 मार्च - राम नवमी

4 एप्रिल- महावीर जयंती

7 एप्रिल - गुड फ्रायडे

14 एप्रिल - आंबेडकर जयंती

1 मे - महाराष्ट्र दिन

28 जून - बकरी ईद

15 ऑगस्ट - स्वातंत्र्य दिन

19 सप्टेंबर - गणेश चतुर्थी

2 ऑक्टोबर - गांधी जयंती

24 ऑक्टोबर - दसरा

14 नोव्हेंबर - दिवाळी

27 नोव्हेंबर - गुरु नानक जयंती

25 डिसेंबर - ख्रिसमस

दिवाळीच्या दिवशी मुहूर्त खरेदी करण्याची परंपरा भारतीय शेअर बाजारात वर्षानुवर्षे सुरू आहे. दिवाळीच्या दिवशी लक्ष्मीची पूजा केली जाते.

यानंतर शेअर बाजार फक्त एक तासासाठी उघडतो आणि या दिवशी गुंतवणूकदार मुहूर्त ट्रेडिंग करतात. या वर्षीही शेअर मार्केटमध्ये मुहूर्त ट्रेडिंगचे आयोजन करण्यात येणार आहे. हे ट्रेंडिंग 14 नोव्हेंबर 2023 रोजी होईल.