Share Market latest Update: रशिया युक्रेन यांच्यातील शांतता चर्चा आणि कच्च्या तेल्याच्या किमतीत झालेल्या घसरणीचा सकारात्मक परिणाम शेअर बाजारावर होत आहे. आजच्या दिवसाच्या सुरुवातीला शेअर बाजारानं उसळी घेतली. सेन्सेक्स 419.2 अंकांनी वधारून 58,362.85 वर सुरु झाला तर निफ्टी 73.75 अंकांनी वधारून 17,468.15 वर सुरु झाला. निफ्टी-50 मधील 41 शेअर्सनी सकारात्मक ओपनिंग दिली तर 9 शेअर्समध्ये घट दिसून आली.

रशिया आणि युक्रेन यांच्यातील शांतता चर्चा आणि कच्च्या तेलाच्या किमतीत झालेल्या घसरणीच्या अहवालानंतर शेअर बाजार सलग दुसऱ्या सत्रात उच्च पातळीवर बंद झाला. सेन्सेक्स 350.16 अंकांनी अर्थात 0.61 टक्क्यांनी वाढून 57,943.65 वर बंद झाला आणि निफ्टी 103.30 अंकांनी अर्थात 0.60 टक्क्यांनी वाढून 17,325.30 वर बंद झाला.