सकारात्मक सुरुवातीनंतर आज दिवसअखेर शेअर बाजार लाल चिन्हात बंद झाला. सेन्सेक्स आणि निफ्टीमध्ये किरकोळ घसरणीची नोंद करण्यात आली. सेन्सेक्स 185.24 अंकांनी अर्थात 0.33 टक्क्यांनी घसरून 55381.17.वर बंद झाला, तर निफ्टी 61.80 अंकांनी अर्थात 0.37 टक्क्यांनी घसरून 16,522.75 वर बंद झाला. निफ्टी 50 मधील जेएसडब्ल्यू स्टील, कोल इंडिया, एचडीएफसी लाईफ, कोटक बँक, महिंद्रा अॅण्ड महिंद्रासह19 शेअर्समध्ये वाढ नोंदवली गेली. तर बजाज ऑटो, अपोलो हॉस्पिटल, हिंदाल्को, टेक महिंद्रा, बजाज फिनसर्व्ह31 शेअर्समध्ये घसरण झाली.

तत्पूर्वी काल शेअर बाजारातीला तेजीला ब्रेक लागला. आजच्या दिवसाच्या सुरुवातीला मात्र शेअर बाजार किरकोळ वाढीसह सुरु झाला. सेन्सेक्स आणि निफ्टी दोन्ही निर्देशांकात आजच्या दिवसाच्या सुरुवातीला किरकोळ वाढ झाली. आज सेन्सेक्स 21.86 अंकांनी वधारून 55,588.27वर सुरु झाला. तर निफ्टी 9.85 अंकांच्या किरकोळ वाढीसह 16,594.40वर सुरु झाला.