शेअर बाजारातील पडझडीचं सत्र थांबलं आहे. शेअर बाजारात आज चांगली तेजी दिसून येत आहे. आठवड्याच्या सुरुवातीलाच शेअर बाजारात मोठी घसरण झाल्याचं दिसून आली होती. त्यानंतर आठवड्याच्या दुसऱ्या दिवशी शेअर बाजारात मोठी उसळी झाली आहे. सेन्सेक्स 1000 अंशांची उसळी झाली असून, निफ्टीमध्येही ४०० अंशांची वाढ दिसून येत आहे. सकाळच्या सत्रात बाजारातील व्यवहाराला आज सुरुवात झाल्यानंतर बाजारात सेन्सेक्समध्ये 1,197 हून अधिक अंकांची तेजी दिसून आली होती. तर राष्ट्रीय शेअर बाजाराचा निर्देशांक निफ्टी 346 अंकांनी वधारला आणि 17,234 अंकांवर खुला झाला होता. तर सेन्सेक्स 58,027 अंकांवर खुला झाला होता.

आज कशी असेल बाजाराची स्थिती?

कमकुवत जागतिक संकेतांमुळे बाजाराने आठवड्याची सुरुवात कमजोर झाल्याचे रेलिगेअर ब्रोकिंगचे अजित मिश्रा म्हणाले.
निफ्टीवर विक्रीचा मोठा दबाव होता. फार्मा वगळता सर्व क्षेत्रीय निर्देशांक घसरणीसह बंद झाले. यामध्ये मेटल आणि पीएसयू बँकिंगला सर्वाधिक फटका बसला. निफ्टी 16,800 च्या खाली गेल्यास निफ्टीमधील मोठी विक्री होऊ शकते. त्यामुळे गुंतवणूकदारांनी बाजारात हलकी पोझिशन घ्यावी असा सल्ला त्यांनी दिला.

बेंचमार्क निफ्टीने डेली चार्टवर डार्क क्लाउड कवर फॉर्मेशन तयार केले आहे, जे बियरीश रिव्हर्सलचे संकेत देत असल्याचे एलकेपी सिक्युरीटीजचे रुपक डे म्हणाले. शिवाय निर्देशांक 200DMA च्या खाली घसरला आहे जो पुन्हा एकदा मंदीचा सेट अप दाखवत आहे. त्याचा RSI मंदीच्या क्रॉसओव्हरमध्ये आहे. तो आता ओव्हरसोल्ड झोनच्या दिशेने सरकत आहे.

16,800 वर इंडेक्सला सपोर्ट आहे. याचा अर्थ 16,800 च्या खाली निर्णायक घसरण निफ्टीला आणखी खाली नेऊ शकते. अशा स्थितीत निफ्टी 16,600/16,300 पर्यंत घसरू शकतो. दुसरीकडे, निफ्टी वरच्या बाजूने 17,000/17,200 वर रझिस्टंस दिसत आहे.