आज विकली एक्सपायरीच्या दिवशी शेअर बाजाराची सुरुवात जोरदार घसरणीने झाली. सेन्सेक्स आणि निफ्टी दोन्ही निर्देशांक कोसळले. आजच्या दिवसाच्या सुरुवातीला सेन्सेक्स 480.04 अंकाच्या घसरणीसह 53,608.35 वर सुरु झाला. तर निफ्टी 146 अंकांच्या घसरणीसह 16,021.10 सुरु झाला. सकाळी 10 वाजेपर्यंत सेन्सेक्समध्ये 934.60 अंकांची अर्थात 1.73 टक्क्यांच्या घसरणीसह झाली असून 53,153.79 वर ट्रेड करत आहे तर निफ्टी 276.80 अंकाच्या अर्थात 1.71 घसरणीसह 15,890.25 वर ट्रेड करत आहे.

शेअर बाजार सलग चौथ्या सत्रात लाल चिन्हात अर्थात घसरणीसह बंद झाला. इंट्राडेमध्ये निफ्टी 16000 च्या खाली घसरला. शेवटच्या तासात काही प्रमाणात रिकव्हरी पाहायला मिळाली. या रिकव्हरीमध्ये बँक, ऑईल अँड गॅस आणि रियल्टी सेक्टरने चांगले परफॉर्म केले. दिवसाअंती सेन्सेक्स 276.46 अंक अर्थात 0.51 टक्क्यांच्या घसरणीसह 54,088.39 वर बंद झाला. तर निफ्टी 43.95 अंकांनी 0.27 टक्क्यांच्या घसरणीसह 16,196.10 वर बंद झाला.