Share Market: सकाळच्या सत्रात अडखळत असलेला शेअर बाजार दिवसअखेर सावरल्याचं चित्र आहे. आज दिवसअखेर सेन्सेक्स 231.29 अंकांनी अर्थात 0.40 टक्क्यांनी वधारून 57593.49वर बंद झाला तर निफ्टी 69.00 अंकांनी अर्थात 0.40 टक्क्यांनी वधारून 17,222.00वर बंद झाला.

तत्पूर्वी आज शेअर बाजाराची सुरुवात स्थिर पातळीवर राहिली. शुक्रवारी सेन्सेक्स 110.52 अंकांनी वधारून 57,472.72 वर सुरु झाला. दुसरीकडे, निफ्टी 28.85 अंकांनी वधारून 17,181.85 वर सुरु झाला.

25 मार्च अर्थात शुक्रवारी मागच्या आठवड्यातल्या तेजीला ब्रेक लागला. जियोपॉलिटकल तणावाच्या पार्श्वभूमीवर पुन्हा एकदा एफआयआयची विक्री दिसून आली, ज्यामुळे बाजारावर दबाव निर्माण झाला. याशिवाय कच्च्या तेलाच्या वाढत्या किमती आणि चीनमधील कोरोनाच्या नवीन प्रकारांमुळे बाजारावर परिणाम झाल्याचे दिसून येत आहे. शुक्रवारी सेन्सेक्स (Sensex) 501.73 अंकांनी म्हणजेच 0.86 टक्क्यांनी घसरून 57,362.2 वर बंद झाला. दुसरीकडे, निफ्टी (Nifty) 134.05 अंक म्हणजेच 0.77 टक्क्यांच्या घसरणीसह 17,153 वर बंद झाला आहे.