मुंबई - रिझर्व्ह बॅंकेने रेपोदरात केलेल्या कपातीच्या पार्श्वभूमीवर शेअर बाजारात गुंतवणुकदारांनी आज मोठ्या प्रमाणात नफेखोरी केली. त्यामुळे गेल्या पाच सत्रांत वधारलेला मुंबई शेअर बाजाराचा निर्देशांक सेन्सेक्स ४.१४ अंशांच्या किरकोळ घसरणीसह ३६ हजार ९७१ अंशांवर बंद झाला. राष्ट्रीय शेअर बाजाराचा निर्देशांक निफ्टीत ६.९५ अंशांची घट होऊन तो ११ हजार ६९ अंशांवर स्थिरावला.
दिवसाआरंभी सेन्सेक्सने २०० अंशांनी उसळी घेतली होती. मात्र रिझर्व्ह बॅंकेने रेपोदरात पाव टक्का कपात केल्याच्या वृत्ताने अखेर त्यात घसरण झाली. सन फार्माचा शेअर आज ४.४८ टक्क्यांनी वधारला. त्यापाठोपाठ बजाज ऑटो, टाटा मोटर्स, कोल इंडिया, हिरो मोटोकॉर्प, मारुती आणि एचसीएलचे शेअर तेजीसह बंद झाले. रिलायन्स, पॉवर ग्रिड, एचडीएफसी, एल अँड टी, इंडसइंड बॅंक, बजाज फायनान्स आदी शेअरमध्ये घसरण झाली.
परकी संस्थात्मक गुंतवणुकदारांनी बुधवारी ६९४.९७ कोटींचे, तर स्थानिक संस्थात्मक गुंतवणुकदारांनी ५२५.२६ कोटींचे शेअर खरेदी केल्याची माहिती शेअर बाजाराकडून देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.