Share Market Updates: गेल्या एक आठवड्यापासून सुरु असलेला शेअर बाजाराचा चढता आलेख आज दिवसाच्या सुरुवातीलाही सुरुच राहिला. सेन्सेक्स आणि निफ्टी मंगळवारी सलग सहाव्या दिवशी हिरव्या चिन्हात सुरु झाले. आजच्या दिवसाच्या सुरुवातीला सेन्सेक्स 177.87 अंकांच्या वाढीसह 56663.87 वर सुरु झाला. दुसरीकडे, निफ्टी 29.25 अंकांच्या म्हणजेच 0.17 टक्क्यांच्या वाढीसह 16,900.65 वर सुरु झाला.
सेन्सेक्स-निफ्टी सोमवारी सलग पाचव्या दिवशी हिरव्या चिन्हात बंद झाले. सेन्सेक्स 935.72 अंकांच्या म्हणजेच 1.68 टक्क्यांच्या वाढीसह 56,486.02 वर बंद झाला. दुसरीकडे, निफ्टी 240.85 अंकांच्या म्हणजेच 1.45 टक्क्यांच्या वाढीसह 16,871.30 वर बंद झाला. सोमवारच्या व्यवहारात बँकिंग, ऑटो आणि आयटी शेअर्समध्ये खरेदी झाली, तर रियल्टी, फार्मा आणि मेटलमध्ये नफावसूली दिसून आली.
बाजारात तेजीच्या ट्रेंडने कमबॅक केले आहे कारण गुंतवणूकदार आता टॅक्टिकल सेलमधून टॅक्टिकल बायकडे वळत असल्याचे जिओजित फायनान्शिअल सर्व्हिसेसचे विनोद नायर म्हणाले. कमोडिटीजच्या किमती कमी होत चालल्याने गुंतवणुकीत पुन्हा एकदा वाढ झाल्याचे पाहायला मिळत आहे. FII ची विक्री आणि क्रूडची वाढ थांबली आहे. रशिया-युक्रेनमुळेही सुधारणा दिसत असल्याचे ते म्हणाले. त्यामुळे भारतीय बाजारपेठ चांगली कामगिरी करताना दिसेल. जगभरातील गुंतवणूकदार व्याजदरात वाढ करण्याच्या तयारीत आहेत. भारतातही WPI मध्ये वाढ झाली आहे पण बाजाराने त्याला फारसे महत्त्व दिले नाही असेही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.