Share Market Updates: सकारात्मक ओपनिंगनंतर शेअर बाजाराने दिवसभरात दमदार कामगिरी केली. सेन्सेक्स आणि निफ्टीने चांगली कामगिरी केली, मात्र त्याच वेळी बहुप्रतिक्षित एलआयसी (LIC) शेअरनं मात्र गुंतवणूकदारांची निराशा केली. सेन्सेक्स आणि निफ्टी फॉर्ममध्ये असताना एलआयसीच्या शेअरमध्ये घसरण नोंदवली गेली. आज दिवसअखेर सेन्सेक्स 1,344.63 अंकांनी अर्थात 2.54 टक्क्यांनी वधारून 54387.69वर बंद झाला, तर निफ्टी 438.15 अंकांनी अर्थात 2.77 टक्क्यांनी वधारून 16,280.45वर बंद झाला. निफ्टी 50 मधील सर्व 50 शेअर्समध्ये वाढ झाली. परंतु शेअर बाजारात आज लिस्टींग झालेला एलआयसी (LIC) शेअर दिवसअखेर 7.77 टक्क्यांनी घसरून 875.25वर बंद झाला. हा शेअर ओव्हरसबस्क्राईब झाल्याने त्याची लिस्टींग प्राईज 949 रूपये निश्चित करण्यात आली होती. परंतु शेअर बाजारात घसरण नोंदवली गेल्याने गुंतवणूकदारांची निराशा झाली.

तत्पूर्वी तब्बल 6 दिवसांच्या सलग घसरणीनंतर अखेर सोमवारी शेअर बाजार हिरव्या रंगात बंद झाला होता. आजही शेअर बाजाराने सकारात्मक ओपनिंग दिलं. सेन्सेक्स आणि निफ्टी निर्देशांक हिरव्या रंगात सुरु झाले. सेन्सेक्स 311.35 अंकांच्या वाढीसह 53,285.19वर सुरु झाला, तर निफ्टी 70.3 अंकाच्या वाढीसह 15,912.60 वर सुरु झाला. दरम्यान आज बहुप्रतिक्षित एलआयसी शेअर्सचे लिस्टींग झालं. मात्र शेअर बाजारात एलआसीची सुरुवात अपेक्षेप्रमाणे झाली नाही. एलआयसीचा शेअर्स 12 टक्क्यांच्या घसरणीसह सुरु झाला.

LIC शेअरकडून निराशा-

अनेक महिन्यांच्या प्रतीक्षेनंतर सरकारी विमा कंपनी एलआयसीचे शेअर्स आज शेअर बाजारात सूचिबद्ध झाले. मात्र शेअर बाजारात एलआयसीची सुरुवात चांगली झाली नाही. एलआयसीचा शेअर्स मोठ्या घसरणीसह 862 वर सुरु झाला. परंतु त्यांनंतर हळूहळू खरेदीदारांची संख्या वाढल्याने सकाळी 10.25 मिनिटांपर्यंत एलआयसीचा शेअर 45.40 अंकांच्या म्हणजेच 4.78 टक्क्यांच्या घसरणीसह 903.60वर ट्रेड करत होता.