Share Market Updates: आज मंथली एक्सपायरीच्या दिवशी शेअर बाजाराने दमदार कामगिरी केली. सकाळी गॅप अप ओपनिंगनंतर शेअर बाजाराची आगेकूच सुरुच राहिली. आज दिवसअखेर सेन्सेक्स आणि निफ्टी दोन्ही निर्देशांकांत आज मोठी वाढ झाली. सेन्सेक्स 701.67 अंकांनी अर्थात 1.23 टक्क्यांनी वधारून 57521 वर बंद झाला, तर निफ्टी 206.65 अंकांनी अर्थात 1.21 वधारून 17,245.05 वर बंद झाला. निफ्टी 50 मधील 45 शेअर्समध्ये वाढ झाली तर 4 शेअर्समध्ये घट झाली. तर एका शेअर्समध्ये वाढ अथवा घट झाली नाही.

सलग दोन दिवसाच्या घसरणीनंतर शेअर बाजाराने आज सकारात्मक ओपनिंग दिलं. आज मंथली एक्सपायरीच्या दिवशी शेअर बाजारात चांगली सुरुवात झाली आहे. सेन्सेक्स आणि निफ्टी दोन्ही निर्देशांक आज हिरव्या चिन्हात सुरु झाले. सेन्सेक्स 476.92 अंकांनी वधारून 57019.91 वर सुरु झाला तर निफ्टी 151.1 अंकांनी वधारून 17,189.50वर सुरु झाला.

बुधवारी पुन्हा एकदा सर्वच सेक्टरमधील विक्रीदरम्यान बेंचमार्क इंडेक्समध्ये सुमारे एक टक्क्यांची घसरण दिसून आली. कमकुवत जागतिक बाजारपेठेमध्ये भारतीय शेअर बाजाराची सुरुवात नकारात्मक झाली. यानंतर दुपारच्या सत्रात विक्री वाढली. सेन्सेक्स 537.22 अंकांनी म्हणजेच 0.94 टक्क्यांनी घसरून 56,819.39 वर बंद झाला. निफ्टी 162.40 अंकांनी म्हणजेच 0.94 टक्क्यांनी घसरून 17,038.40 वर बंद झाला.