Share Market Updates Today: दोन दिवसांच्या तेजीनंतर आज पुन्हा शेअराची सुरुवात बाजारात घसरणीने झाली. शेअर बाजाराच्या दोन्ही निर्देशांकांनी गॅप डाऊन ओपनिंग दिलं. सेन्सेक्स 379 अंकांच्या घसरणीसह 57,531.95 वर सुरु झाला, तर निफ्टी 149.85 अंकांच्या घसरणीसह 17,242.75वर सुरु झाला. निफ्टी 50 मधील फक्त 5 शेअर्स सकारात्मक ओपनिंग दिले तर 44 शेअर्सची सुरुवात घसरणीने झाली. एका शेअरमध्ये वाढ अथवा घट झाली नाही. HCLTECH, ONGC, COALINDIA, TATASTEEL, JSWSTEEL या पाच शेअर सकारात्मक ओपनिंग देऊ शकले.

गुरूवारी बाजारात पुन्हा तेजी दिसून आली. हेवी वेट शेअर्ससोबतच सगळ्याच शेअर्स मध्ये गुरूवारी खरेदी दिसून आल्याने हा तेजीचा माहौल होता. दिवसा अंती सेन्सेक्स 874.18 अंकांनी अर्थात 1.53 टक्क्यांनी वाढून 57,911.68 वर बंद झाला. तर निफ्टी 256.05 अंकांनी म्हणजेच 1.49 टक्क्यांनी वाढून 17,392.60 वर बंद झाला.

बऱ्याच काळानंतर बाजारात बुल्सचे कमबॅक दिसून आल्याचे एलकेपी सिक्युरिटिजचे के एस रंगनाथन यांनी म्हटले. एनर्जी सेक्टरने बाजाराला चांगली साथ दिली. ग्रॉस आणि रिफायनिंग मार्केटमध्ये चांगली वाढ दिसून येण्याची आशा असल्याचेही ते म्हणाले. ऑटो सेक्टरसह सगळे सेक्टरल इंडेक्स हिरव्या चिन्हात बंद झाले.